F’Ewood Park Blackburn Rovers ma sabu l-ebda diffikultà biex għelbu lil Wrexham 4-1.
Fid-19-il minuta Wrexham fetħu l-iskor permezz ta’ Andy Cannon li minn pass ta’ Sam Dalby għeleb lil Aynsley Pears.
Reazzjoni minn Blackburn li fit-32 minuta kisbu l-gowl tad-draw. Azzjoni ta’ Sam Gallagher lejn Sammie Szmodics li għeleb lil Arthur Okonkwo. Żewġ minuti wara Sam Gallagher poġġa lil Blackburn fil-vantaġġ minn azzjoni ta’ Arnor Sigurdsson.
Fil-45 minuta l-iskor sar 3-1 bit-tieni gowl ta’ Szmodics minn azzjoni gta’ Sondre Tronstad.
Bil-partita magħluqa, it-tieni taqsima kienet biss formalità bi Blackburn ikabbru l-iskor għal 4-1 fid-59 minuta permezz ta’ Sondre Tronstad minn azzjoni ta’ Gallagher għal skor fnali ta’ 4-1 bi Blackburn javvanzaw għar-round li jmiss fejn jiltaqgħu kontra Newcastle United.
