Mali……………………….2
Burkina Faso…………1
Il-Mali kisbu rebħa ta’ 2-1 fuq il-Burkina Faso biex avvanzaw mal-aħħar tmienja tat-Tazza tan-Nazzjonijiet Afrikani. Il-Mali fil-vantaġġ wara tliet minuti permezz ta’ awto-gowl ta’ Edmond Tapsoba. Lassine Sinayoko rdoppja wara l-mistrieħ, b’penalty ta’ Bertrand Traore jnaqqas l-iskor għall-Burkina Faso fis-57 minuta.
Marokk………………….0
Afrika t’Isfel……………2
B’sorpriża, l-Afrika t’Isfel eliminaw lill-Marokk bl-iskor ta’ 2-0. L-Afrika t’Isfel fetħu l-iskor fis-57 minuta permezz ta’ Evidence Makgopa. Fl-84 minuta l-Marokk fallew ċans li jġibu l-iskor indaqs meta Achraf Hakimi falla penalty qabel ma fil-ħin mogħti żejjed Sofyan Amrabat intwera l-karta l-ħamra. L-Afrika t’Isfel aprofittaw minn dan u lejn it-tmiem Teboho Mokoena għamilhom 2-0.
