”Kienet logħba bilanċjata, b’tattika perfetta miż-żewġ naħat u l-plejers paċenzjużi ħafna”- Paul Zammit (Sliema Wanderers)

‘Logħba tattika u bilanċjata’

• Paul Zammit, kowċ Sliema Wanderers FC

 ‘Din kienet l-ewwel logħba tat-tieni round fejn ħadna punt minn logħba diffiċli ħafna. Fl-ewwel round konna tlifna kontra Birkirkara.’ Dawn kienu l-ewwel kummenti tal-kowċ ta’ Sliema Wanderers Paul Zammit wara d-draw ta’ mingħajr gowls f’waħda mill-logħbiet prinċipali ta’ tmiem il-ġimgħa. Zammit kompla. ‘Birkirkara għandhom skwadra b’saħħitha, forsi r-riżultati mhux qed jirriflettu hekk. Konna nafu li ser insibu avversarju diffiċli. Kienet logħba bilanċjata, b’tattika perfetta miż-żewġ naħat u l-plejers paċenzjużi ħafna. Ħareġ ħafna pożittiv ukoll.’

‘Kien importanti li nieħdu xi ħaġa minn din il-logħba’

• Brian Chetcuti, kowċ Birkirkara FC

‘Wara t-telfa fl-aħħar logħba kien importanti ħafna li nieħdu xi ħaġa minn din il-partita’ Kliem il-kowċ ta’ Birkirkara Brian Chetcuti wara d-draw kontra Sliema. Huwa kompla hekk. ‘ Nemmen li konna ftit superjuri fuq Sliema Wanderers minkejja li l-logħba kien bilanċjata għal ħinijiet twal. Kulħadd jaf li Sliema huwa tim tajjeb ħafna li ssorprenda lil kulħadd dan l-istaġun fejn jinsabu fit-tielet post tal-klassifika. Issa rridu nibdew nikkonċentraw mill-ewwel fuq il-logħba li jmiss li hija waħda diffiċli wkoll kontra t-tim li jinsab fit-tieni post Floriana. Imma jekk nibqgħu nemmnu , r-riżultati jiġu’

LOGĦOB LI JMISS

Is-Sibt 3 ta’ Frar, 2024

Stadium Nazzjonali

2.00pm Birkirkara vs Floriana

4.15pm M’Xlokk vs Gudja Utd.

Tony Bezzina Stadium

2.00pm Valletta vs Sliema W.

4.15pm Mosta vs Sirens

Il-Ħadd 4 ta’ Frar, 2024

Centenary Stadium

11.00am Santa Lucia vs Hibernians

Tony Bezzina Stadium

2.00pm Ħamrun S. vs Naxxar L.

4.15pm Gżira Utd. Vs Balzan

Stadium Nazzjonali

2.00pm Naxxar L. – M’Xlokk

4.15pm Gudja Utd. – Mosta