Meta tkompla l-Kampjonat Nazzjonali tal-Hockey, Qormi Daikin kisbu l-ewwel rebħa tal-istaġun wara żewġ telfiet konsekuttivi.
Qormi litteralment iddominaw il-konfront tagħhom kontra White Hart meta ħarġu rebbieħa bl-iskor kbir ta’ 13-1. Qormi ddominaw matul l-erba’ quarters bid-difiża ta’ White Hart li sabitha ferm diffiċli twaqqaf l-offensiva avversarja.
Neil Spiteri Montebello, Wyatt Magri u Julian Zahra skorjaw żewġ gowls kull wieħed filwaqt li Steve Tanti, Daniel Ellul, Kyle Mallia, Juan Sarcia, Luke Bajada u Nathan Pace Gasan skorjaw gowl kull wieħed. Carl Tua skorja l-uniku gowl għal White Hart. Umpires tal-partita kienu Alessandro Amore u Karl Chircop.
Klassifika tal-Kampjonat Nazzjonali: Floriana Young Stars u GREE Żurrieq Wolves Hotsticks 4 punti kull wieħed, Qormi Daikin 2 punti , White Hart – ebda punt.
Sadanittant ingħata bidu għall-kompetizzjoni tal-Hockey 7s fejn fl-ewwel logħba li ntlagħbet GREE Żurrieq Wolves Hotsticks għelbu lil Floriana Young Stars 10-2.
