Dalgħodu tħabbret il-mewt ta’ Salvu Sciberras – attivist tal-PN li kien ilu fil-partit sa mill-1961, u li serva wkoll bħala kunsillier fin-Naxxar.
F’Novembru li għadda, il-Kumitat Sezzjonali tan-Naxxar kien wassal l-apprezzament tiegħu lil Salvu Sciberras għall-ħidma twila u s-servizz li ta’ lill-PN f’din il-lokalità. Dakinhar, il-Kap tal-PN Bernard Grech kien iddeskriva lil Salvu bħala persuna li dejjem ħadem b’imħabba kbira u dedikazzjoni favur in-Naxxarin kollha.
Salvu Sciberras serva f’diversi karigi, u kien attiv fl-amministrazzjoni tal-PN. Serva wkoll bħala rappreżentant distrettwali fl-Eżekuttiv.
Intant, permezz ta’ post fuq il-media soċjali l-Kap tal-Partit Nazzjonalista Bernard Grech sellem il-memorja ta’ Salvu Sciberras fejn qal li ħalliena bniedem li qalbu u ħilietu silifhom lill-Partit Nazzjonalista kif ukoll lill-pajjiż.
Ritratti: Roberto Runza
