Neil Camenzuli
MOSTA ……………………………… 0
SIRENS ……………………………… 0
Mosta: D.Ciappara, A.Chara, D.Aneni (S.Cipriott 54’), H.Nwoga, L.Tenebe, N.Nnaji (K.Tulimieri 62’), G.Sciberras, A.Hovhannisyan, A.Dao, W.Britto, J.Vasallo (J.Farrugia 88′)
Sirens: A.Cassar, D.Murillo, P.Boakye, H.Gomda, N.Pulis, A.Panayiotu, G.Martins, K.Ntazmpizas, B.Asare, K.Donu, D.Agius
Imwissija: D.Aneni 51’, W.Britto 70’, G.Sciberras (M)
Referee: Ishmael Barbara
Assistenti Referees: Duncan Spencer u Paul Apap
BOV Plejer tal-Logħba: Armen Hovhannisyan (M)
Il-Mument Plejer tal-logħba: Gilberto Martins (S)
F’konfront fil-parti t’isfel tal-klassifika, draw ta’ 0-0 li ma jikkuntenta lil ħadd, b’ Sirens jitilgħu qabel tal-aħħar b’partita iktar minn Gudja, filwaqt li Mosta baqgħu fl-10 post b’total ta’ 15-il punt.
L-ewwel azzjoni perikoluża tal-partita waslet wara 18-il minuta meta Henry Nwoga ħarab b’ġirja bejn id-difensuri ta’ Sirens u pprova jixħet fix-xibka, b’ Cassar jintervjeni tajjeb.
Mosta għal darb’oħra perikolużi din id-darba minn korner mogħti minn Nnaji, bil-ballun jaħbat ma’ bosta difensuri u jgħaddi ftit barra mill-lasta.
Andrea Cassar għal darb’oħra jsalva t-tim tiegħu fl-24 minuta mix-xutt mill-viċin ta’ Nnaji.
Fil-31 minuta Mosta jibqgħu jittantaw xortihom, b’ Ndubuisi Nnaji għal darb’oħra fiċ-ċentru tal-attakk bl-attakkan Niġerjan jara d-daqqa tar-ras tiegħu tgħaddi għolja minn fuq il-lasta ta’ Cassar.
L-aħħar azzjoni tal-ewwel taqsima waslet għal Mosta, meta mill-kross ta’ Hovhannosyan, Nnnaji żmarka ruħu fil-kaxxa u tefa’ barra b’ħafna b’xutt b’saħħtu.
L-ewwel taqsima bla gowls minkejja li Mosta kienu bla dubju l-aħjar tim fl-ewwel tlett kwarti.
Sirens ħarġu ħafna aħjar fit-tieni taqsima tant kemm hu hekk li kellhom l-aħjar ċans tal-partita fil-51 minuta permezz ta’ azzjoni personali ta’ Martins li kkonkluda l-azzjoni b’mod akrobatiku bix-xutt tal-Brażiljan jgħaddi għoli wisq.
Mosta rrispondew b’azzjoni personali oħra, din id-darba mfassla mill-attakkant Hovhannisyan mix-xellug, bil-konklużjoni għal darb’oħra ma tkunx tajba biżżejjed.
Fis-70 minuta freekick mix-xellug mogħti minn Martins għadda għoli u ma ta l-ebda periklu lil Ciappara.
Fid-79 minuta azzjoni perikoluża għal Sirens li waslet minn żball tal-goalkeeper Ciappara, li tefa’ f’saqajn l-attakkant Aziz, madankollu Ciappara joħroġ tajjeb u jirranġa ż-żball tiegħu b’intervent mill-aqwa.
Fl-aħħar mumenti tal-partita Mosta kellhom ċans tajjeb ta’ gowl meta minn pożizzjoni viċina Linus Tenebe nkariga ruħu mill-freekick, bil-konklużjoni tiegħu tgħaddi kemm kemm barra, bil-partita tintemm fi draw ta’ bla gowls, bl-ebda tim ma jiggwadanja xejn fil-ġlieda kontra r-relegazzjoni.
(Ritratt: Trevor Sollars)
