Rowen Camilleri
BIRKIRKARA…………..1
FLORIANA……………….2
Birkirkara: M. Zapytowski, E. Pepe, A. Coppola, K. Zammit (O. Elouni 90’), A. Satariano, E. P. Beltre, A. Zammit (A. Queiroz (79’), E. Sarpong (P. Mbong 62’), S. Zibo, A. Diakite (M. Maia 62’), A. Ciolacu
Floriana: G. Kitanov, O. El Hasni (A. Garzia 69’), O. Spiteri, M. Souza (K. Reid 69’), D. Vella, M. Veselji (W. Furtado 83’), M. Garcia, C. Z. Lonardelli, M. Valadzko, A. Kouros, U. Arias (J. Grech 69’)
Imwissija: E. Pepe 27’, E. Sarpong 43’, S. Zibo 61’, (B), D. Vella 68’, W. Furtado 90’ (F)
Skorjaw: M. Veselji 25’, K. Reid 82’ (F), A. Ciolacu pen 67 (B)
Referee: Trustin Farrugia Cann
Assistenti Referees: Luke Portelli u James Muscat
BOV Plejer tal-Logħba: Mattia Veselji (Floriana)
Il-Mument Plejer tal-logħba: Owen Spiteri (Floriana)
Gowl ta’ Kemar Reid fit-82 minuta reġa’ poġġa lil Floriana momentarjament b’punti daqs Ħamrun fil-quċċata, b’dawn tal-aħħar iżda għad iridu jilagħbu l-konfront tagħhom kontra Naxxar Lions. Żewġ penalties ingħataw matul il-partita, wieħed għal kull tim fejn Floriana iżda fallew permezz ta’ Veselji filwaqt li Andrei Ciolacu ġab il-gowl tad-draw momentarju mill-11-il metru.
L-ewwel periklu lejn il-lasti jasal fl-14-il minuta minn Birkirkara, meta minn free kick dirett, id-difensur Alessandro Coppola jara l-konklużjoni tiegħu taħbat mal-mimduda u tibqa’ sejra barra.
Floriana fetħu l-iskor fil-25 minuta meta Mattia Veselji dar tajjeb ma’ Kurt Zammit fil-kaxxa u b’xutt fil-baxx għeleb lil Zapytowski, minkejja li l-Pollakk mess il-ballun.
Minuta biss wara Floriana ingħataw penalty meta Enrico Pepe ġibed lil Souza fil-kaxxa bir-referee Trustin Farrugia Cann isaffar il-penalty u jammonixxi lil Pepe. Madankollu l-istess Mattia Veselji inkariga mill-penalty iżda ra lil Zapytowski jsalva tajjeb.
Ftit li xejn kienu l-azzjonijiet wara dawn l-episodji fl-ewwel taqsima bi Floriana jidħlu jistrieħu 1-0 fil-vantaġġ.
Għoxrin minuta mill-bidu tat-tieni taqsima Birkirkara ingħataw penalty meta d-daqqa ta’ ras ta’ Coppola fil-kaxxa ħabtet ma’ idejn Valadzko bir-referee jkun deċiż u jagħti l-penalty . Mill-11-il metru kien l-eks tal-partita Andrei Ciolacu li tefa’ lil Kitanov naħa u l-ballun in-naħa l-oħra.
Fit-80 minuta s-sostitut Maxuell Maia minn free kick dirett impenja lil Kitanov li kellu jtajjar b’diffikultà.
Floriana jerġgħu imorru minn fuq fit-82 minuta meta l-ewwel daqqa ta’ ras ta’ Dunstan Vella tasal għand is-sostitut Kemar Reid li bi prattikament lasta vojta tefa’ ġewwa.
Xejn ma nbidel sat-tisfira finali u t-tliet punti jmorru għand Floriana li kisbu t-tieni rebħa konsekuttiva.
