Eks-espert tal-Europol qal lill-qorti li ma kienx rari għalihom li jgħaddu biss ir-rapporti tagħhom dwar il-ħruġ ta’ data u mhux l-informazzjoni nnifisha. Dan meta kien qed jirribatti l-argumenti tad-difiża ta’ Yorgen Fenech li qalet li l-esperti ma kienux fehmu eżatt dwar x’inhuma l-kompiti tagħhom.
Dan ħareġ meta il-quddiem il-Maġistrat Rachel Montebello kompliet l-kumpilazzjoni tal-provi fil-konfront ta’ Yorgen Fenech, li jinsab akkużat talli allegatament kkonfoffa ma’ ħaddieħor biex joqtol lill-ġurnalista Daphne Caruana Galizia.
Il-kumpilazzjoni li kienet ingħalqet kienet ordnata mill-Qorti Kriminali biex tisma’ l-esperti li ma kienux xehdu qabel quddiemha. Is-seduta saret ġimgħa wara li wieħed mill-avukati ta’ Yorgen Fenech qal lill-Qorti li korrispondenza bejn l-awtoritajiet Taljani u Maltin kienet indirettament irreferiet għal ‘smartwatch-recording’ ta’ konverżazzjoni li kienet tinvolvi żewġ persuni Maltin, li fiha wieħed jgħid li kien ħallas madwar €40,000 għall-qtil tal-ġurnalista.
Il-prosekuturi minn naħa tagħhom qalu lill-Qorti li rċevew id-dokument permezz tal-Eurojust u kienu esebiwh fl-atti tal-inkjesta. Id-difiża ssostni li ġiet infurmata bir-reġistrazzjoni wara li skada ż-żmien għat-tressiq ta’ motivi u ż-żieda tax-xhieda.
Waqt l-aħħar seduta, espert tal-qorti ġie ordnat jesebixxi kopja tad-data kollha li kienet ġiet estratta mill-mowbajl ikklownjat ta’ Caruana Galizia. Il-kopja tal-qorti kellha tinżamm taħt siġill u tkun aċċessibbli biss għall-qorti, bil-partijiet jirċievu biss verżjoni ridotta li ma żvelatx l-ismijiet, in-numri, id-dati u l-ħinijiet tal-komunikazzjonijiet mas-sorsi tal-ġurnalista maqtula.
Konstantinous Petrou mill-Interpol kiex ix-xhud prinċipali fis-seduta tat-Tnejn. Il-qorti staqsietu jekk spiċċax l-eżami tiegħu tal-esebiti. Huwa kien inħatar biex jeżamina ‘mobile clone’ u apparat ieħor tal-vittma u estratt tad-data. Tenna li huwa temm dan il-kompitu. Huwa kien ressaq ir-rapport tiegħu lit-Taqsima tal-Armi u l-Isplussivi f’The Hague. Sostna li qatt ma ntalab jesibiha f’Malta.
Ikkonferma li qatt ma kien irrapporta lura lill-maġistrat inkwirenti. “Bix-xogħol tiegħu kien twassal mill-kollega tiegħu Martin Van Der Meija. Rapport ta ‘analiżi bbażat fuq data estratta.” L-Ispettur Kurt Zahra spjega li Van Der Meij minn dak iż-żmien kien esebixxa r-rapport, fl-aħħar seduta.
Il-Qorti wriet lil Petrou dokument li kienet għadha kemm ssiġillat, u staqsiet jekk ir-rapport tiegħu kienx parti mid-dokument. “Iva” huwa wieġeb, u kkonferma meta rċieva l-esebit f’Novembru 2018. Wara li kkonferma ir-rapport, il-qorti talbet lil Petrou biex jiffirma l-parti rilevanti, li pproċeda biex jagħmel.
L-Avukat Charles Mercieca, l-avukat ta’ Fenech, staqsih jgħaddi l-qorti fir-rapport u jagħti dettalji dwar dak li kien għamel u xi rrakkomanda. Mobajl kklownjat, peress li dak attwali tal-vittma kien inqered, ġie eżaminat, flimkien ma’ data oħra online.
Jgħid li kien estratt id-data mill-mobile. Mistoqsi jekk għandux kopja tad-data, huwa wieġeb li t-talba kellha tgħaddi mill-Europol. Dr. Mercieca jirrispondi li bħala espert tal-qorti maħtur minn qorti Maltija, kien responsabbli esklussivament quddiem il-qorti Maltija.
L-Ispettur Zahra kkoreġa lill-avukat, u qal li l-Qorti Kriminali kienet talbet biss ir-rapport, u mhux id-data. Petrou spjega li m’għadux impjegat tal-Europol. Dr. Mercieca jistaqsi dwar il-maniġer tiegħu u l-kompiti assenjati lilu.
“Għamilt l-estrazzjoni, ma sibtx problemi, għamilt ir-rapport u għaddejt ir-rapport. Bħala forensika aħna ma tantx nanalizzaw id-data, li ssir mill-analisti.” Ix-xhud ikkonferma li kien għadda r-rapport lid-dipartiment tal-Armi u Splussivi.
“Aħna nagħmlu dan kuljum, għalhekk kont qed ninforma lill-maniġer tiegħi b’kull kompitu li nlesti… il-maniġer tiegħi jalloka l-kompiti lili u nagħmilhom. Jekk ikun hemm dewmien, ngħarrafu.” L-Avukat Mercieca jistaqsi min kien ikkomunikalu l-inkarigu.
Ix-xhud iwieġeb li l-maniġer tiegħu kien għamel hekk. Id-digriet kien bil-Malti u ġie spjegat lilu minn Dr. Bajada, huwa qal. Il-maniġer tiegħu kien tah l-istruzzjoni, li wassal lil Dr. Mercieca biex jirrimarka li kien espert tal-qorti, u mhux tal-manager tiegħu.
Huwa kompla jgħid li kien ġie Malta bir-rapport fl-2018. Dr. Mercieca tenna l-mistoqsija tiegħu dwar għaliex meta konxju tar-responsabbiltà tiegħu lejn il-qorti. Huwa ma kienx irrapporta lura lill-qorti.
Konstantinous Petrou ċaħad li Bajada kien qallu x’għandu jagħmel.
L-avukat jissuġġerixxi li kien għażel li jinjora l-istruzzjonijiet tal-maġistrat, iżda eskluż mill-prosekuzzjoni u mill-qorti. Huwa twaqqaf mill-maġistrat meta talba li jara kopja tar-rapport, li l-maġistrat tirrimarka li kienet issiġillata fuq ordnijiet tal-Qorti Kriminali.
Dr. Mercieca jistaqsi lix-xhud jekk kienx ikkomunika mal-maġistrat inkwirenti, dak iż-żmien Anthony Vella, llum Imħallef. “Qatt ma kkomunikajt miegħu. Meta nwasslu d-dejta, inwasslu r-rapport, iżda f’xi każijiet, inwasslu biss ir-rapport.” Jgħid li l-kompitu ġie ttrattat bħal kull ieħor. “Xejn speċjali.”
L-avukat Mercieca jistaqsi jekk Petrou kienx konxju li l-manager tiegħu nħatar ukoll bħala espert tal-qorti. Le, wieġeb ix-xhud. Mistoqsi minn Dr. Mercieca dwar dak li rnexxielu jieħu mill-mobajl u apparat ieħor, Petrou spjega li l-proċess forensiku kien dwar il-verifika li d-data estratta ma kinitx imbagħbsa.
Huwa ma kienx ħares lejn il-kontenut, kompla jgħid. “Kienet kopja.. Jekk xi ħaġa tinbidel il-fajl juriha.”
Il-Qorti twaqqaf lil Merceica milli ripetutament jistaqsi l-istess mistoqsijiet lix-xhud. Petrou jinżel minn fuq il-pedana tax-xhieda.
L_avukat Mercieca jgħid lill-qorti li sa fejn jaf hu, il-proċedura kienet li meta espert jippreżenta rapport jippreżenta wkoll l-esebiti oriġinali li eżamina. L-avukat jesprimi dubju dwar kemm l-esperti kienu fehmu sew il-kompiti tagħhom.
L-Ispettur Zahra jgħid li d-difiża kienet għamlet stqarrija skorretta ħafna meta qalet li ma kinitx taf x’sar bid-data estratta. Ix-xhud kien ċar, kif ukoll il-Qorti Kriminali qal Zahra. Dr. Mercieca jargumenta li l-espert kellu jippreżenta l-esebit mar-rapport tiegħu, iżda dan l-argument ġie miċħud mill-qorti.
Wara xehed l-eks Brigadier Jeffrey Curmi, li kien inħatar bħala espert tal-isplussivi, hu xhed fil-qosor bil-bibien magħluqa wara li l-pubbliku u l-istampa ħew ordnati joħorġu mill-awla. Hekk kif l-awla terġa’ tiftaħ id-difiża baqgħet għaddejja bl-argumenti tagħha, billi insistit li r-rapport irid jiġi esebit “fit-totalità tiegħu.”
Xahar ħabs hu xahar ħabs u erba’ snin ħabs ukoll huma erba’ snin ħabs,” qal Mercieca lill-Qorti. Il-Qorti, wara li nnutat li l-esperti tal-Europol issa kienu xehdu u esebixxew ir-rapporti tagħhom bil-mod ordnat mill-Qorti Kriminali, bagħtet l-atti tal-kawża lura lill-Qorti Kriminali għal kjarifika dwar jekk l-estrazzjonijiet għandhomx jiġu esebiti wkoll.
L-espert Dr. Martin Bajada se jkollu jerġa’ jixhed ukoll biex jispjega s-sitwazzjoni lill-Qorti. Is-seduta li jmiss quddiem il-Qorti Kriminali issa hija għas-6 ta’ Marzu. Il-Qorti tal-Maġistrati minn naħa tagħha aġġornat il-kumpilazzjoni għall-11 ta’ Marzu fis-1:30pm.
L-Avukati Anthony Vella u Godwin Cini qed imexxu l-prosekuzzjoni f’isem l-Avukat Ġenerali, is-Supretendent Keith Arnaud u l-Ispettur Kurt Zahra wkoll jagħmlu parti mill-prosekuzzjoni minn naħa tal-Korp tal-Pulizija.
L-avukati Charles Mercieca, Gianluca Caruana Curran u Marion Camilleri qed jassistu lil Yorgen Fenech. L-avukati Therese Comodini Cachia u Jason Azzopardi qed jassistu lill-familja Caruana Galizia bħala parte civile.
