Għal sena oħra f’Lulju se jirritorna l-kunċert tal-BBC Orchestra fuq il-Fosos tal-Furjana.
Dan hekk kif il-Ġimgħa 5 ta’ Lulju se tkun qed tiġi orgnaizzata l-ħames edizzjoni ta’ dan l-avveniment…bit-tema din id-darba hi ‘The Iconic Queens of Soul’ bl-ispettaturi se jkunu jistgħu jgawdu mużika ta’ kantanti rinomati bħal Tina Turner, Aretha Franklin u Whitney Houston.
L-Orkestra se tkun magħmula minn 70 mużiċist flimkien ukoll ma 6 kantanti.
Dan il-kunċert mistenni jixxandar ukoll fuq BBC Radio 2 fil-jiem segwenti, wara l-lejla mużikali.
