GREE Żurrieq Wolves Hotsticks u Floriana Young Stars spiċċaw fi draw ta’ 2-2 f’partita bejn żewġ timijiet li jinsabu fil-forma u li għadhom bla telfa wara tliet logħbiet.
L-ewwel quarter spiċċa fi draw ta’ 0-0 biż-Żrieraq joħorġu tajjeb u jiftħu vantaġġ doppju fit-tieni quarter b’gowls minn Charlo Sammut u Luke Brincat.
Flioriana urew titjieb fit-tielet qurter tant li rnexxielhom iġibu l-iskor indaqs, permezz ta’ doppjetta ta’ Ali Ritzwan biex kisbu punt minn dan il-konfront.
Umpires: Glen Bonello u Keith Bajada.
F’logħba mill-Hockey 7s, Qormi Daikin u Rabat spiċċaw fi draw ta’ 1-1.
Kienet logħba bilanċjata biż-żewġ naħat li ħadu punt minn din il-logħba.
Daniel Ellul skorja għal Qormi b’Rabat li sabu x-xibka permezz ta’ Rick Micallef.
Umpires kienu Edward Hughes u Luke Brincat.
F’partita mill-kampjonat ta’ taħt it-18-il sena, Qormi Daikin iddominaw il-konfront tagħhom kontra Marsaskala Heat hekk kif għelbuhom 7-0.
Giorgio Muscat, Wyatt Magri u Neil Spiteri Montebello spikkaw għall-Qriema meta skorjaw doppjetta kull wieħed b’Iker Francalanza li żied ieħor għat-tim tiegħu.
Umpires: Karl Chircop u Glenn Bonello.
Sadanittant kien hemm ukoll partita mill-kampjonat ta’ taħt l-14-il sena fejn Marsaskala Heat għelbu lil De La Salle 5-1.
Nathan Rodo u Thomas Mifsud skorjaw doppjetta kull wieħed b’Hose Licitra li skorja wkoll għal Marsaskala.
Dean Spiteri skorja l-uniku gowl għal De La Salle.
Umpires: Edward Hughes u Glen Bonello.
KLASSIFIKA – KAMPJONAT NAZZJONALI TAL-HOCKEY
Floriana Young Stars, GREE Żurrieq Wolves Hotsticks 5, Qormi Daikin 2, White Hart 0
KLASSIFIKA – HOCKEY 7s
GREE Żurrieq Wolves Hotsticks 2, Qormi Daikin, Rabat 1, Floriana Young Stars 0
