Il-Qorti Ewropea tal-Ġustizzja (QEG) ċaħdet b’mod definittiv żewġ appelli mill-bank privat Malti Pilatus li spiċċa biex għalaq u kien ħafna fl-aħbarijiet għar-raġunijiet il-ħżiena. L-appelli kienu kontra ordnijiet tal-Qorti Ġenerali li fihom ikkontestat l-irtirar tal-liċenzja tiegħu mill-Bank Ċentrali Ewropew.
Il-kawżi kienu jikkonċernaw żewġ appelli minn Pilatus Bank kontra digrieti tal-Qorti Ġenerali: l-ewwel waħda minn Settembru 2021, li ċaħdet ir-rikors ta’ Pilatus għal annullament ta’ deċiżjoni tal-BĊE bħala manifestament nieqsa minn kull bażi legali.
Dik l-ordni tal-2018 waslet permezz ta’ e-mail, fejn ta struzzjonijiet lil Pilatus li ma kienx għadu kompetenti biex iwettaq is-superviżjoni prudenzjali diretta tiegħu u biex jieħu miżuri dwaru. Fl-appell l-ieħor, Pilatus talab l-annullament ta’ sentenza tal-Qorti Ġenerali li ċaħdet talba biex tiġi annullata d-deċiżjoni tal-BĊE li tirtira l-liċenzja tiegħu ta’ istituzzjoni ta’ kreditu.
Fiż-żewġ sentenzi, il-Qorti Ewropea tal-Ġustizzja qalet li l-Qorti Ġenerali naqset milli titlob prova li l-avukat li jirrappreżenta lil Pilatus kien ġie mgħallem kif suppost minn rappreżentant kwalifikat. “Il-Qorti Ġenerali għalhekk wettqet żball ta’ liġi billi ma pproċedietx, ex officio, biex tivverifika l-legalità tal-mandat mogħti mill-bord tad-diretturi tar-rikorrenti lill-avukat tagħha,” qalet l-QEĠ.
Din qalet li żball manifest bħal dan għandu jwassal għall-annullament ta’ id-digriet ikkontestat ming[ajr lanqas ma jidde/iedi fuq jekk jog[;ob Pilatus. L-QEĠ żiedet tgħid li Pilatus Bank naqas milli jipprovdi evidenza li l-mandat tal-persuna kompetenti maħtura biex tieħu f’idejha l-bank shuttered, kien f’sitwazzjoni ta’ kunflitt ta’ interess.
“Il-fatt li l-persuna kompetenti ġiet maħtura mill-awtorità nazzjonali kompetenti, li ressqet il-proposta għall-irtirar tal-awtorizzazzjoni lill-BĊE, mhuwiex biżżejjed fih innifsu biex jikkaratterizza l-eżistenza ta’ kunflitt ta’ interess.”
Pilatus Bank plc u Pilatus Holding kienu ressqu 11-il talba quddiem il-Qorti Ġenerali wara li l-liċenzja bankarja tagħha ġiet sospiża mill-BĊE fl-2018 wara l-arrest ta’ sidha Ali Sadr Hasheminejad fl-Istati Uniti, fuq akkużi li kiser is-sanzjonijiet tal-Iran.
Hasheminejad kien akkużat fl-2018 li qabeż ir-regoli bankarji Amerikani dwar it-trasferiment ta’ $115-il miljun f’pagamenti biex jiffinanzja proġett ta’ akkomodazzjoni fil-Venezwela, li kienu mgħoddija illegalment għall-benefiċċju ta’ individwi u impriżi Iranjani.
Wara l-akkuża ta’ Hasheminejad fl-Istati Uniti, il-bank irċieva talbiet għall-irtirar li jammontaw għal €51.4 miljun f’depożiti, madwar 40% tad-depożiti fuq il-karta tal-bilanċ tiegħu. Għalkemm instabu ħatja li kisru s-sanzjonijiet tal-Istati Uniti kontra l-Iran, aktar tard ix-xejra daret għal fuq Ali Sadr Hasheminejad, wara li l-gvern tal-Istati Uniti qal li kienu qed jirtiraw il-kawża kriminali kontra minħabba li l-prosekuturi naqsu milli jiżvelaw l-evidenza kollha kontrih.
Il-verdett tal-ħtija tiegħu tneħħa f’talba nolle prosequi mill-prosekuturi Amerikani. Hasheminejad kien imexxi bank privat f’Malta, li kien liċenzjat fl-2013, u li fil-biċċa l-kbira kien jittratta miljuni f’riżervi proprjetà tal-familja ħakkiema u oligarki tal-Ażerbajġan.
Il-bank tiegħu kien implikat fil-każ Egrant, meta l-ġurnalista Daphne Caruana Galizia sostniet li l-bank ipproċessa ħlas ta’ $1 miljun mill-Aliyevs tal-Ażerbajġan lil mart l-eks Prim Ministru Joseph Muscat. L-allegazzjoni ġiet miċħuda minn inkjesta maġisterjali Maltija flimkien ma’ allegazzjonijiet oħra li għamlet dwar Pilatus Bank, iżda sa dak iż-żmien in-negozjati l-oħra tal-banek għall-Ażerbajġan kienu ġew taħt il-lenti tal-investigaturi finanzjarji.
Meta Hasheminejad ġie arrestat fl-ajruport ta’ Dulles fl-Istati Uniti fi Frar tal-2018, ir-regolatur finanzjarju Malti għalaq il-bank u beda investigazzjoni.
