Żewġt irġiel, żewġ nisa u anzjan jgħodduha b’waħda wara li kmieni dalgħodu, għall-ħabta tas-6:30am kienu involuti f’ħabta bejn erba’ karozzi f’Wied il-Għajn.
L-inċident seħħ fis-6:30am, fi Triq il-Qaliet fejn irriżulta li l-karozzi li kienu qed jinstaqu minn raġel ta’ 48 sena residenti Wied il-Għajn, anzjan ta’ 71 sena residenti Ħaż Żabbar, mara ta’ 36 sena u raġel ta’ 41 sena residenti Wied il-Għajn. Fil-karozza misjuqa mir-raġel ta’ 48 sena, kien hemm ukoll mara ta’ 49 sena residenti Wied il-Għajn.
Kaġun ta’ din il-ħabta inqalbet karozza.
Fil-post ġie msejjaħ tim mediku mill-isptar Mater Dei, fejn il-passiġġiera ttieħdet l-Isptar Mater Dei b’ambulanza, u ġiet iċċertifikata bi ġrieħi ħfief.
