Andrè Muscat
HIBERNIANS………. 0
FLORIANA………….. 2
Hibernians: I. Kone, F. Apap (G. Fernandes 69’), K. Shaw, J. Degabriele (I. Chukunyere 86’), B. Kristensen (L. Caruana 31’), A. Radchenko, B. De Souza (A. Rodney 69), G. Artiles, C. Bonanni, M. Bagayoko (Z. Grech 86’), G. Bastianos
Floriana: G. Kitanov, O. El Hasni, M. Veselji (U. Arias 66’), K. Reid, M. Noguereira (L. De Grazia 79’), D. Vella (K. Nwoko 79’), O. Spiteri, N. Garcia, C. Lonardelli (W. Furtado 37’), M. Valadzko, A. Kouro
Imwissija: M. Veselji 8’ (F), B. Kristensen 14’ (H), O. Spiteri 85’ (F)
Skorjaw: K. Reid 44’ (F), M. Noguereira 66’ (F)
Referee: Glen Tonna
Assistenti Referees: Duncan Sultana u Shaun Calleja
BOV Plejer tal-Logħba: Kemar Reid (Floriana)
Il-Mument Plejer tal-logħba: Willis Furtado (Floriana)
Fl-istadium Nazzjonali Floriana żammew il-pass ma’ Ħamrun Spartans, meta b’rebħa ta’ 2-0 kontra Hibernians ħarġu mill-grawnd bil-punti massimi.
Kienu Hibernians li ħolqu l-ewwel azzjoni denja tal-partita meta fil-11-il minuta kien Bastianos li beda kontra attakk, fejn tefa’ ballun fit-tul lejn Jurgen Degabriele, b’dan tal-aħħar jibqa’ dieħel fil-kaxxa u hekk kif prova t-tenttativ tiegħu lejn il-lasta ta’ Kitanov, minn wara jidħol Valadzko li imblukka l-istess xutt bil-ballun jispiċċa f’korner.
Tal-pagun jolqtu l-mimduda fid-39 minuta permezz Giannis Bastianos. Kien il-plejer tal-Hibs li mil-lemin prova xutt lejn il-lasta ta’ Kitanov, bil-ballun jaħbat mal-lasta u jispiċċa barra.
Floriana jiżblukkaw ir-riżultat fis-46 minuta, kien is-sotitut Furtado li b’azzjoni personali mill-lemin jixħet kross lejn l-attakant prolifiku ta’ Floriana Kemar Reid, b’dan ta’ l-aħħar ma jiżbaljax u jitfa’ l-ballun wara Kone, biex tefa’ lil Furjaniżi preżenti f’delirju ta’ ferħ.
F’taqsima mill-aktar kumbattuta b’Hibernians ikunu xi ftit aħjar minn Floriana, mat-tisfira ta’ tmiem l-ewwel taqsima mir-referee Glen Tonna, kienu Floriana li daħlu jistrieħu b’vantaġġ minimu ta’ 1-0.
Ħames minuti mill-ftuħ tat-tieni taqsima viċin li jirduppjaw, meta jerġa’ jkun Furtado li mil-lemin jixħet kross lejn Reid, b’dan tal-aħħar isib lil Kone attent biex seta’ jdawar f’korner it-tentattiva tal-Ġamajkan.
Il-Greens jagħmluhom 2-0 fis-66 minuta, meta jerġa’ jkun Furtado li jantiċipa lil Nogureira, bil-Brażiljan waħdu fil-kaxxa l-kbira quddiem Kone bil-kalma kollha jqabbeż il-ballun minn fuq il-goalkeeper ta’ Hibs.
Hibernians viċin li jnaqqsu distakk fil-71 minuta, fejn l-ewwel ikun Rodney li jara’ xutt tiegħu salvat bir-ras minn Valdzko, bil-ballun jiġi f’saqajn Jurgen Degabriele, bil-captain ta’ Hibs jfajjar xutt minn barra l-kaxxa li jispiċċa għoli fuq il-lasta ta’ Kitanov.
Ħarba mil-linja xellugija ta’ Valadzko fid-89 minuta, bil-plejer mill-Belarus javanza fil-kaxxa ta’ Hibs, u minn pożizzjoni angolata jfajjar xutt mill-isbaħ bix-xelugija iżda l-ballun spiċċa jaħbat mal-wieqfa.
Mat-tisfira finali tar-referee Glen Tonna, kienu Floriana li ħarġu mill-grawnd bil-massimu tal-punti biex b’mod momentarju laħqu lill-Ispartans fl-ewwel post bit-38 punt, filwaqt li Hibs baqgħu fis-sitt post tal-klassifika b’24 punt.
