Rebħa prezzjuża għal Empoli lbieraħ f’konfront dirett kontra Salernitana, riżultat li issa kważi jikkundanna lil Salernitana li baqgħu ankrati fl-aħħar post, filwaqt li l-punti huma mill-iktar importanti għal Empoli li ħarġu mill-aħħar tliet postijiet.
Empoli fetħu l-iskor b’autogoal ta’ Zanoli fil-21 minuta u Salernitana għamlu l-iskor indaqs fid-69 minuta permezz ta’ Weismann.
Niang minn penalty fit-88 minuta poġġa mill-ġdid lil Empoli fil-vantaġġ u fir-raba’ minuta ta’ ħin miżjud kien Cancelleri li skorja t-tielet goal ta’ Empoli.
Fil-programm tal-lum jispikka l-konfront tal-Olimpico fejn il-leaders Inter jiltaqgħu kontra Roma, fejn l-ex attakkant tagħhom Romelu Lukaku jipprova jwaqqaf il-mixja kważi trijonfali ta’ Inter.
Għada f’San Siro logħba oħra mistennija fejn Milan jilqgħu liċ-champions Napoli fejn Milan jippruvaw isaħħu t-tielet post.
Riżultat
Salernitana v Empoli 1-3
Illum
15:00 Cagliari v Lazio
18:00 Roma v Inter
20:45 Sassuolo v Torino
Għada
12:30 Fiorentina v Frosinone
15:00 Bologna v Lecce
15:00 Monza v Verona
18:00 Genoa v Atalanta
20:45 Milan v Napoli
It-Tnejn
20:45 Juventus v Udinese
