Leon Azzopardi rebaħ l-aħħar tournament ta’ kwalifikazzjoni għat-tazza tan-nazzjonijiet tal-blackball meta fil-finali tal-irġiel għeleb lil Clayton Castaldi 10-3.
Azzopardi kien ferm konsistenti tul il-logħba kollha b’Castaldi li ftit seta’ jagħmel kontra l-preċiżjoni tal-avversarju tiegħu.
Fil-finali ta’ taħt it-18-il sena, Denzel Falzon għeleb lil Steven Muscat 9-7 filwaqt li f’dik ta’ taħt it-23 sena, Matthias Debono għeleb 9-3 lil Casdy Vella .
Fl-aħħar żewġ finali tal-ġurnata riservati għall-plejers ta’ esperjenza, Joseph Tabone għeleb lil Chris Galea 10-4 fil-finali ta’ ‘l fuq minn 40 sena filwaqt li Johan Grixti kiseb suċċess fil-kategorija ta’ ‘ fuq minn 50 sena wara rebħa ta’ 10-7 kontra Joe Camilleri.
B’kollox saru tmien tournaments ta’ kwalifikazzjoni li minnhom intgħażel uffiċjalment it-tim nazzjonali Malti li se jikkompeti fit-Tazza tan-Nazzjonijiet 2024 li se ssir fi Bridlington l-Ingilterra fit-tielet ġimgħa ta’ Marzu.
