L-Assoċjazzjoni Maltija tat-Table Tennis organizzat it-tieni ranking tournament għal din is-sena li fih kien hemm parteċipazzjoni tajba ta’ plejers lokali skont il-kategorija tagħhom.
Dan ir-ranking tournament intrebaħ mill-plejer ta’ Malta International TableTennis Centre Daniel Bajada li kien konsistenti fil-logħbiet kollha tiegħu tant li rebaħhom kollha.
Fil-finali, Bajada ltaqa’ kontra plejer li jinsab wkoll għaddej minn mument pożittiv – Gabriel Grixti . Bajada rebaħ 3-0 sabiex baqa’ jżomm l-ewwel post tal-klassifika generali fil-livell tas-seniors.
Daniel Bajada rebaħ it-tliet sets ta’ 11-7, 11-3 u 11-8.
Sadanittant spikka wkoll il-plejer żagħżugħ Sam Borg li kiseb il-kwalifikazzjoni għar-round ewlieni apparti li tejjeb il-wirjiet tiegħu.
