Mara ta’ 63 sena residenti Birżebbuġa weġġgħet gravi wara inċident bejn vann u mutur f’Birżebbuġa stess.
L-inċident seħħ it-Tnejn filgħodu għall-ħabta tat-8:00 fi Triq Birżebbuġa.
Il-Pulizija marret fil-post u minn investigazzjoni li saret irriżulta li seħħet ħabta bejn mutur misjuq mill-mara u vann misjuq minn raġel ta’ 47 sena residenti n-Naxxar.
Tim mediku mar fil-post sabiex jassisti fejn ftit tal-ħin wara ambulanza ħadet lill-mara l-Isptar Mater Dei għall-kura meħtieġa.
Aktar tard hija ġiet iċċertifikata li qed issofri minn ġrieħi gravi.
L-investigazzjonijiet tal-Pulizija għadhom għaddejjin.
