‘Irridu nkomplu nkunu pożittivi biex nakkwistaw aktar punti li jressquna lejn in-naħa ta’ fuq tal-klassifika’ – Jose Borg (Birkirkara)

‘Kienet ġimgħa tajba għalina’

• Josè Borg, kowċ B’Kara FC

‘Rebħa importanti għat-tim wara l-kwalifikazzjoni matul il-ġimgħa fit-Trophy. Kienet ġimgħa tajba għalina.’ Dawn kienu l-ewwel kummenti li lissen il-kowċ ta’ Birkirkara Josè Borg hekk kif l-Istripes għelbu lil Valletta bl-iskor ta’ 1-0. Huwa kellu aktar xi jgħid. ‘ Konna t-tim li kellna l-aktar mil-logħob fejn iddominajna għal ħinijiet twal.  Irridu nkomplu nkunu pożittivi biex nakkwistaw aktar punti li jressquna lejn in-naħa ta’ fuq tal-klassifika.’

‘Logħba li kienet destinata għal draw’

• Vincenzo Potenza, kowċ Valletta FC

 ‘Kienet logħba bilanċjata fejn nemmen li riżultat ta’ draw kien jixraq’. Hekk ikkummenta l-kowċ ta’ Valletta Vincenzo Potenza wara t-telfa li l-Beltin sofrew fl-aħħar mumenti kontra Birkirkara. Potenza kompla. ‘ Il-logħob żvolġa għal ħinijiet twal f’nofs il-ground fejn id-direzzjoni tal-logħba kienet dik ta’ draw.  Sinċerament ma’ nafx jekk il-ballun tal-gowl ta’ Birkirkara daħalx jew le. Imma la r-referee tah gowl aħna nirrispettaw id-deċiżjoni.’

LOGĦOB LI JMISS

Is-Sibt 17 ta’ Frar, 2024

Stadium Nazzjonali

2.00pm Birkirkara vs Hibernians 

4.15pm M’Xlokk vs Sliema W.

Tony Bezzina Stadium

2.00pm Mosta vs Valletta

4.15pm Santa Lucia vs Naxxar L.

Il-Ħadd 18 ta’ Frar, 2024

Centenary Stadium

11.00am Ħamrun S. vs Sirens

Tony Bezzina Stadium

2.00pm Floriana vs Balzan

4.15pm Gżira Utd. Vs Gudja Utd.