Grupp ta’ sitt żgħażagħ ingħataw il-ħelsien mill-arrest wara li wieġbu mhux ħatja għal akkużi relatati ma’ attakk brutali waqt iċ-ċelebrazzjonijiet tal-karnival fil-Furjana li ħalla żagħżugħ ta’ 16-il sena bi ġrieħi gravi permezz ta’ fejn intlaqat f’wiċċu u spiċċa b’xi ligamenti f’idu maqtugħa.
L-Ispetturi Daryl Borg, Stephen Gulia, Kenneth Camilleri u Shaun Pawney ressqu l-Qorti quddiem il-Maġistrat Joe Mifsud erba’ bniet ta’ bejn l-14 u s-17-il sena, żagħżugħa ta’ 20 sena u tfajjel ta’ 14-il sena, fuq akkużi kriminali serji li jinkludu ħsara gravi fuq il-ġisem u serq aggravat bi vjolenza.
L-akkużati huma mill-Gżira, il-Belt Valletta, Raħal Ġdid u ż-Żurrieq. Hekk kif bdiet il-kawża, il-Maġistrat Mifsud impona projbizzjoni fuq il-pubblikazzjoni ta’ ħamsa mill-akkużati, peress li huma minorenni. L-uniku akkużata ta’ età biex jiġi identifikat fil-media kienet Aicha Mariah ta’ 20 sena minn Raħal Ġdid, li ġiet mixlija b’serq aggravat, li ġarret mus fil-pubbliku mingħajr liċenzja u li saret reċediva.
Il-Maġistrat talab lill-Ispettur Stephen Gulia jispjega għaliex il-grupp kien qed jitressaq taħt arrest. L-ispettur qal lill-Qorti li għall-ħabta tas-7:00pm tal-10 ta’ Frar, kienu ntbagħtu uffiċjali tal-pulizija biex iwieġbu għal rapport ta’ ġlieda li kienet għaddejja fil-Floriana.
Fejn il-Monument tal-Gwerra sabu tifel mal-art, bi ġrieħi ta’ mus f’wiċċu u f’idejh waqt li l-ligamenti ta’ idejh ġew maqtugħa, riżultat tad-daqqiet li sofra. It-tifel qal lill-pulizija li kien imdawwar b’madwar sitt żgħażagħ, imsawwat u misruq.
Huwa għaraf lil wieħed mill-aggressuri tiegħu bħala l-akkużat li qal li kien raġel. Investigazzjonijiet ulterjuri stabbilixxew l-identitajiet tal-bqija tal-grupp. Il-Maġistrat interrompa lill-ispettur, u rrimarka li biex iż-żagħżugħ ta’ 14-il sena jiġi akkużat il-prosekuzzjoni trid tipprova “intenzjoni ħażina” – effettivament għarfien sħiħ tal-ħażen tal-att kriminali.
“Kien hemm, u aktar minn hekk,” wieġeb l-Ispettur Gulia li żied li t-tifel akkużat kien ħassar ukoll il-kontenut minn fuq il-mowbajl tiegħu. Meta waħda mit-tfajliet, wieġeb għal mistoqsija tal-maġistrat, qalet li kienet studenta fi skola rispettata tal-Knisja u dalwaqt se tibda l-O-Levels mock tagħha.
L-akkużati kollha wieġbu mhux ħatja. Id-difiża wara talbet il-ħelsien mill-arrest. Wara sottomissjonijiet qosra ta’ bail, bil-prosekuzjoni topponi għall-pleġġ, minħabba li l-vittma għad irid jixhed u li kien għadu l-isptar, il-maġistrat iddikjara li se jkun qed jeħles lill-akkużati mill-arrest u se joħroġ ordni ta’ protezzjoni favur il-vittma.
“Tfal ta’ 14-il sena mhumiex posthom il-ħabs. Waħda minnhom qed tagħmel mocks tagħha… Nifhem li għandhom bżonn ta’ tbeżbiża, iżda mhux ħabs,” qal il-Maġistrat Mifsud. L-akkużati ngħataw il-ħelsien mill-arrest, li ġiet garantita b’garanzija personali ta’ €2,000.
Barra minnhekk iridu jiffirmaw fl-Għassa tal-Pulziija, l-aktar viċina ta’ fejn jirrisjedu kull nhar ta’ Ħadd bejn it-8am u 8pm u ma joħorġux qabel is-6am u jkun d-dar sal-10pm. “Jekk xi ħadd minnkhom jikser il-kundizzjonijiet tal-libertà proviżorja “ommok ikollha tħallas €2,000,” spjega l-Maġistrat lill-akkużati.
Huma meħtieġa wkoll josservaw curfew bejn l-10:00pm u s-6:00am u jiffirmaw ktieb tal-pleġġ darba fil-ġimgħa. Ma ngħataw l-ebda dettalji dwar l-inċident proprju waqt li ż-żgħażagħ tressqu l-Qorti, iżda sorsi infurmati qalu lil NET News li l-grupp attakka lil eks namrat ta’ 16-il sena ta’ waħda mit-tfajliet fil-ġonna ħdejn il-Mafkar ta’ Malta fil-Floriana u spiċċa aggredit, bis-suspettata ta’ 20 sena allegatament iżomm mus ma’ għonq il-vittma. Huwa maħsub li l-attakk seħħ wara argument ta’ ċerta portata.
L-akkużati kienu rappreżentati mill-avukati Ishmael Psaila, Dunstan Camilleri, Franco Debono, Francesca Zarb u Adriana Zammit. Il-Prosekuzzjoni tmexxiet mill-Ispetturi Stephen Gulia, Shaun Pawney u Daryl Borg, mgħejjuna mill-Avukat Kenneth Camilleri, mill-Uffiċju tal-AĠ.
