Anzjan ta’ 74 sena residenti l-Birgu weġġà gravi wara inċident bil-mutur.
L-inċident seħħ it-Tlieta filgħaxija għall-ħabta tas-6:15 fi Triq San Nikola, Bormla.
Minn investigazzjoni li saret irriżulta li l-anzjan tilef il-kontroll tal-mutur li kien qiegħed isuq bil-konsegwenza li waqa’.
Huwa ngħata l-għajnuna minn tim mediku, ittieħed l-isptar Mater Dei b’ambulanza u ġie ċċertifikat li qed isofri minn ġrieħi gravi.
L-investigazzjonijiet tal-Pulizija għadhom għaddejjin.
