Tkomplew il-kompetizzjonijiet tal-Malta Darts Association fejn it-tim promoss ta’ Birżebbuġa Lions kiseb draw ferm prestiġġjuż ta’ 4-4 kontra Tim A Ħamrun Bayern f’logħba ibbilancjata.
Żejtun Laċċi Gold Lady jinsabu fl-ewwel post wara li għelbu lil Tim A Sliema Lounge 5-3 filwaqt li Floriana Ajax Premier Cars kisbu rebħa kbira ta’ 8-0 kontra Tim B Ħamrun Bayern.
Floriana MCP telgħu aktar ‘il fuq fil-klassifika wara rebħa bl-istess skor kontra PO’s Bar.
Fit-tieni diviżjoni, ftit kien hemm tibdil fil-klassifika wara li Tim A Birgu Boċċi Club baqgħu fl-ewwel post tal-klassifika wara li għelbu lil Beland Żejtun 5-3.
Fit-tielet diviżjoni, Tim B Leah’s Bar baqgħu jżommu punt vantaġġ fuq l-eqreb rivali Żejtun Laċċi Maypole wara li għelbu lil Domus Ladies 6-2.
