Iċ-champions tal-hockey lokali Qormi Daikin jidher li ġejjin f’tagħhom wara li għelbu l-isfida diretta ta’ GREE Żurrieq Wolves Hotsticks 5-3.
Kyle Micallef skorja darbtejn għall-Qormi filwaqt li Neil Spiteri Montebello, John Williams u Julian Zahra skorjaw il-gowls l-oħra.
Żurrieq baqgħu fil-partita b’gowls ta’ Ryan Dalli, Alessandro Amore u Charlo Sammut. Umpires kienu Karl Chircop u Edward Hughes.
Floriana Young Stars kisbu t-tielet rebħa tal-istaġun meta ftit sabu diffikultà sabiex jegħlbu lil White Hart 7-2. Ali Razwan skorja tlett gowls filwaqt li Justin Bonello skorja darbtejn b’ Justin Farrugia u Liam Gatt skorjaw il-gowls l-oħra. David Agius u Karl Tua skorjaw l-uniċi żewġ gowls ta’ White Hart. Umpires tal-partita kienu Glenn Bonello u Paul Brincat.
