Tard ilbieraħ filgħaxija ġie fi tmiemu l-Karnival ta’ Malta bi spettaklu fi Pjazza Tritoni u l-Gran Defile fi Triq Sant Anna fil-Furjana.
Il-briju tal-Karnival baqa’ għaddej sa tard bil-lejl fil-qalba tal-Furjana, fejn preżenti kien hemm bosta familji, tfal, kif ukoll turisti.
Din kienet l-aħħar okkażjoni li fiha l-pubbliku seta’ jgawdi l-karrijiet mill-isbaħ li nbnew għall-Karnival ta’ din is-sena – karrijiet li fihom spikkaw temi varji; mill-films sal-istillel tal-mużika, u l-karattri tat-tfal.
Fil-Karnival ta’ din is-sena spikka wkoll l-element mill-isbaħ tal-kostumi illi issawru mill-kumpaniji taż-żfin. Dawn il-kumpaniji kienu ukoll qed jippartecipaw fil-kompetizzjonijiet tal-Karnival, illi bdew mill-Ġimgħa filgħaxija.
Ritratti: Matthew Tabone
