Wara ħafna spekulazzjonijiet u stennija, u wara li fil-ġimgħat li għaddew kellu laqa’ sigrieta ma’ Nasser Al-Khelaif, is-sid ta’ PSG, l-istilla Franċiż Kylian Mbappé iddeċieda li jħalli lil klabb fl-aħħar tal-istaġun.
Fuq quddiem għall-firma tiegħu dejjem kien hemm Real Madrid,bil-ġurnalist rinomat Fabrizio Romano iħabbar li l-Madrileni diġà bagħtu l-kuntratt lir-rappreżentanti ta’ Mbappé.
Romano qal ukoll li l-offerta ta’ Real Madrid hija ħafna inqas minn dak li qed jaqla’ l-attakkant ta’ 25 sena ma’ PSG u għalhekk issa huwa f’idejn il-plejer u Real Madrid li jinnegozzjaw il-kuntratt hekk kif fl-aħħar tal-istaġun Mbappé jispiċċalu l-estensjoni ta’ sena kuntratt li ffirma fis-sajf li għadda.
