Fil-Belġju tkompla l-Iron Taekwondo League b’suċċess ieħor minn Gianluca Barbara. Fl-Open tal-Belġju li sar f’Liege, Barbara rebaħ it-tieni kompetizzjoni tiegħu fil-kategorija 80kg Masters.
F’kompetizzjoni fejn ħadu sehem 700 atleta, fil-finali Gianluca Barbara għeleb lil Norman Hornberger tal-Olanda b’żewġ head shots.
Eventwalment huwa intagħżel ukoll bħala l-aħjar atleta fil-kompetizzjoni li fiha kkompetew parteċipanti mill-Belġju, Franza u Olanda.
Fl-istess Kampjonat ikkompeta Fergeson Galea champion lokali fil-kategorija 55 kg.
Minkejja li safa’ eliminat fil-kwarti finali minn Wout de la Fonteyne ta’ Illyo Aarschot, Galea kellu prestazzjoni pożittiva f’kompetizzjoni ta’ livell internazzjonali.
