Neil Camenzuli
SANTA LUCIA ……………………………1
NAXXAR LIONS ………………………..0
Sta Lucia: S. Da Paz, M.Ellul, D.Letherby (G.Virano 87′), S.Pisani, A.Bradhsaw, J.Pisani, A.Mrdja, F.Moracci, A.Piazza (P.Ramos 82′), S.Xerri, E.Pinto
Naxxar L: M.Debono, N.Micallef, F.Barbosa, N.Cocks (D.Falzon 81′), A.Servo, E.Cerqueira, G.Cassar, T.Yamaguchi, E.Espirito, W.Moreira, V.Moura (R.Rendon 74′)
Skorjaw: E. Pinto 66′ (S)
Imwissija: A.Bradshaw 61′ (S), N.Cocks 67′ J.Cardoso 74′, T.Yamaguchi 79′ (N)
Referee: Philip Farrugia
Assistenti Referees: Jurgen Spiteri u Shaun Calleja
BOV Plejer tal-Logħba: Evandro Pinto (Santa Lucia)
Il-Mument Plejer tal-logħba: Daniel Letherby (Santa Lucia)
Santa Lucia kisbu rebħa kruċjali fil-ġlieda kontra r-relegazzjoni hekk kif għelbu lil Naxxar Lions bil-gowl ta’ Evandro Pinto jiddetermina l-partita. Dak li kellu jkun staġun b’saħħtu għal Naxxar wara prestazzjoni sorprendenti fl-ewwel parti tal-kampjonat qiegħed jinbidel bilmod hekk kif Naxxar tilfu t-tielet partita konsekuttiva.
Santa Lucia ħarġu fuq l-offensiva fl-ewwel 10 minuti hekk kif il-midfielder Daniel Letherby ittanta xortih b’xutt tajjeb minn barra l-kaxxa, b’Debona jsalva tajjeb.
Naxxar irrispondew żewġ minuti wara ukoll b’xutt minn barra l-kaxxa din id-darba minn pożizzjoni ċentrali li waslet mill-azzjoni personali ta’ Farias, bit-tentattiv jgħaddi ftit għoli.
Fit-42 minuta, kontrattakk veloċi ta’ Moracci jirriżulta f’konklużjoni għolja tal-midfielder Arġentin, bl-iskor jibqa 0-0.
L-ewwel taqsima totalment nieqsa mill-azzjonijiet, bl-ebda tim ma jirnexxielu jkun ta’ periklu lejn il-lasti tal-avversarji.
Santa Lucia fetħu l-iskor fis-66 minuta minn freekick mill-isbaħ mix-xellug tal-plejer Portugiż Evandro Pinto, bil-midfielder jegħleb lil Debono b’ konklużjoni mdawwra fir-rokna ta’ fuq tax-xellug.
Fl-aħħar azzjoni tal-partita, Naxxar Lions ittantaw xortihom minn barra l-kaxxa permezz ta’ tentattiv għoli ta’ Farias, bil-partita tintemm 1-0 għal Santa Lucia.
