Andrè Muscat
FLORIANA………. 2
BALZAN………….. 2
Floriana: G. Kitanov, Q. El Hasni, K. Reid, M. de Sousa, D. Vella (C. Rovas 86’), O. Spiteri, M. Garcia, K. Nwoko (J. Grech 70’), M. Valadzko, A. Kouro, L. Furtado
Balzan: D. Golovic, I. Bozovic (O. Awosnya 63’) (R. Michibuchi 86’), A. Prates, S. Arab, T. Caruana, J. Busuttil, R. Michibuchi, N. Zerjal, N. Braunovic, O. Rommens, G. Blackwood
Imwissija: Q. El Hasni 20’ (F), G. Blackwood (B) 30’, M. Valadzko (F) 69’, D. Golovic 78’ (B), O. Spiteri 82’ (F)
Skorjaw: L. Furtado 14’pen (F), J. Busuttil 30’ (B), M. de Sousa 43’ (F), T. Caruana 66’ (B)
Referee: Matthew De Gabriele
Assistenti Referees: James Muscat u Paul Apap
BOV Plejer tal-Logħba: L. Furtado (F)
In-Nazzjon Plejer tal-logħba: L. Furtado (F)
Fit-Tony Bezzina Stadium Floriana jitilfu żewġ punti u jonqsu milli jżommu l-pass ma’ Ħamrun Spartans, hekk kif temmew fi draw ta’ 2-2.
L-ewwel azzjoni tasal fit-8 minuta mit-tim ta’ Balzan, permezz tal-plejer Backwood li jipprova xutt bit-tentattiv tiegħu jmur barra.
Floriana rebħu penalty fit-12-il minuta, meta Andre Prates ikommetta fouk fuq Furtado fil-kaxxa l-kbira b’Matthew De Gabriele jsaffar u jipponta subajh lejn il-11-il metru. Fl-14-il minuta Luis Furtado nkariga ruħu mill-istess penalty, bil-Franċiż mill-11-il metru ma’ żbljax u tefa’ lil Floriana fil-vantaġġ.
Valadzko għall-Floriana fit-22 minuta viċin li jirdoppja, wara lid-diffensur Furjaniż prova xutt minn barra l-kaxxa l-kbira, bil-ballun jagħdi ftit barra minn mal-wieqfa.
Man-nofs siegħa logħob l-ex ta’ Floriana Jan Busuttil iġib id-draw għal Balzan, l-istess Busuttil avanza fil-kaxxa, biex waħdu quddiem Kitanov ifajjar xutt b’saħtu u tefa’ l-ballun wara l-goalkeeper Furjaniż.
Żewġ minuti minn tmiem tal-ewwel taqsima Floriana jirduppjaw, meta korner mix-xellug ta’ Valadzko, kien Owen Spiteri li bir-ras niżel lejn Nogureira, b’dan tal-aħħar waħdu quddiem il-lasta ma żbaljax biex b’hekk Floriana jerġaw imorru meritatament fil-vantaġġ.
Fuq il-ħin mogħti żejjed mir-referee De Gabriele, Floriana laqtu l-wieqfa wara li mill-lemin Owen Spiteri jitfa’ cross lejn Luis Furtado, bil-Franċiż jara’ daqqa ta’ ras tiegħu taħbat mal-wieqfa bil-ballun jispiċċa barra.
Wara taqsima mill-aktar movimentata miż-żewġ timijiet rispettivi iżda nieqsa mill-azzjonijiet perikolużi, mat-tisfira tat-tmiem it-taqsima mir-referee Matthew De Gabriele Floriana bl-aħjar tim fil-grawnd jidħlu jistrieħu b’vantaġġ ta’ 2-1.
Wara 30 sekonda mill-ftuħ tat-tieni taqsima tasal l-ewwel azzjoni fit-taqsima minn Balzan, kien xutt ta’ Blackwood li jaħbat mal-ġemb tax-xibka.
Kienu Floriana fis-46 minuta li jerġaw ikunu perikolużi meta Nogureira jilagħab lejn Dunstan Vella, bl-internazzjonali Malti jipprova xutt minn barra l-kaxxa bil-ballun jgħaddi ftit għoli mill-minduda.
B’azzjoni personali minn Kemar Reid fit-58 minuta jipprova xutt minn madwar 25 metru bogħod, iżda jsib lil Golovic attent u jsalva l-istess xutt.
Fil-65 minuta Balzan iġibu draw, kien freekick mix-xellug b’xutt ta’ Awosanya jkun salvat momentajament minn Kitanov, bil-ballun jispiċċa f’saqajn Triston Caruana b’dan tal-aħħar waħdu quddiem il-lasta Furjaniża ma jiżbaljax.
Floriana jibqgħu jippressaw biex jippruvaw imorru mill-ġdid fil-vantaġġ, iżda bit-tim ta’ Balzan kompat fid-difiża jagħmluha aktar diffiċli għal Floriana. Fil-85 minuta daqqa ta’ ras ta’ Rovas kienet salvata minn Golovic mingħajr wisq diffikulta’.
Fil-95 minuta ikun save mill-isbaħ tal-goalkeeper ta’ Balzan Golovic wara freekick ta’ Furtado, jkun imdawwar f’korner biex l-iskor jibqa’ fid-draw ta’ 2-2.
5 minuti fuq id-90 minuta r-referee Matthew De Gabriele jsaffar tmiem il-partit. B’dan id-draw bejn Floriana u Balzan, Ħamrun fetħu distakk ta’ 5 punti fuq l-istess Floriana fil-klassifika tal-kampjonat Premier, filwaqt li Balzan laħqu lit-tim ta’ Mosta b’20 punt u it-tgħamiet ta’ salvazzjoni għalihom jibqaw ħajjin.
