Manchester United għelbu lil Luton Town 2-1 f’ Kenilworth Road bil-gowls kollha jaslu fl-ewwel kwarta logħob.
Żewġ gowls għal Rasmus Hojlund fl-ewwel seba’ minuti, bid-Daniż jiskorja fl-ewwel minuta tal-partita b’xutt baxx fir-rokna t’isfel tax-xellug, bit-tieni gowl jasal 6 minuti wara mis-suġġeriment ta’ Garnacho.
Dan il-gowl ifisser li Hojlund sar l-iżgħar plejer fl-istorja tal-Premier League li skorja f’sitt partiti konsekuttivi. L-attakkkant Daniż ta’ 21 sena skorja 7 gowls f’20 partita fl-ewwel staġun tiegħu mar-Red Devils.
Luton Town skorjaw gowl lura fl-14-il minuta permezz ta’ Carlton Morris minn żball ta’ Onana, madankollu l-gowl ma fisser xejn ħlief ta’ konsolazzjoni.
Brighton kisbu rebħa komda barra minn darhom kontra Sheffield United bl-iskor finali jkun 5-0.
L-isfortuna għal Sheffied United bdiet kmieni hekk kif Mason Holgate tkeċċa wara 13-il minuta, u jħalli t-tim tiegħu jilagħab b’10 għall-kumplament tal-partita.
Ftit minuti wara, Facundo Buoanotte fetaħ l-iskor għal Brighton mill-viċin, bit-tieni gowl jasal 4 minuti wara minn Danny Wellback.
Fit-tieni taqsima, Brighton komplew il-pressjoni meta autogowl ta’ Jack Robinson għamel l-iskor 3-0.
Fit-78 minuta Simon Andriga skorja l-ewwel gowl persoali tiegħu u r-raba għat-tim tiegħu. Fil-85 minuta, l-istess Andriga għamel l-iskor 5-0 meta skorja t-tieni gowl personali.
RIŻULTATI
Is-Sibt
Brentford v Liverpool 1-5
Burnley v Arsenal 0-5
Fulham v Aston Villa 1-2
Newcastle v Bournemouth 2-2
Nottingham F. v West Ham 2-0
Tottenham v Wolves 1-2
Man City v Chelsea 1-1
Illum
Sheffield U v Brighton 0-5
Luton v Man Utd 1-2
Għada
Everton v C. Palace 9:00pm
