Illum fil-5.15pm fuq Net Television, jixxandar is-17-il programm SPORT EXTRA bi produzzjoni u preżentazzjoni ta’ Charles Camenzuli.
Fl-ewwel parti enfażi dwar dak li wettqet l-atleta tal-karate Thyis Antonelli rebbieħa tal-edizzjoni 2023 tal-Għaqda Ġurnalisti Sport – Atlas Atleta Żagħżugħa tas-sena.
Fit-tieni parti tal-programm sport għal kollox differenti : Brazilian Jiu-Jitsu u dak li wettqet f’Parigi Michelle Bonnici Mallia, li għat tieni darba fil-karriera rebħet il-midalja tad-deheb fil-Kampjonat tal-Ewropa. Mistieden wkoll Thomas Gauty responsabbli minn Avantagarde Jiu-Jitsu Centre.
Matul il-programm servizzi dwar dak li wettqu Gianluca Barbara fit-taekwondo, Gary Giordmaina fil-lotta u rekord nazzjonali fl-atletika miksub minn Nicolai Bonello fil-pole vault kif wkoll dwar id-39 edizzjoni tal-LifeStar Malta Marathon.
Sport Extra għandu preżentazzjoni ta’ Charles Camenzuli filwaqt li l-assistenta tal-produzzjoni hija għal darb’oħra Samira Cachia Spiteri u filmati minn Liam Briffa.
