Tim A Ħamrun 147 telgħu fit-tieni post tal-klassifika tal-kampjonat nazzjonali tal-Malta Blackball Federation wara li għelbu lil Tim B Qormi Anici 11-3.
Ħamrun ħadu vantaġġ mill-fatt li Cospicua Rangers ma kinux fl-azzjoni sabiex issa jinsabu punt biss bogħod minnhom għalkemm għandhom logħba iktar.
F’logħba ferm bilanċjata, Tim A San Ġwann Nick’s u Tim A Qormi Anici temmew il-konfront ta’ bejniethom fi draw ta’ 10-10.
Fil-kampjonat reġjonali, Tim A Ħamrun 147 telgħu fit-tieni post tal-klassifika wara skor ta’ 11-5 kontra Domus Kids Żejtun filwaqt li Tim A Selmun Bar u Tim A Każin Pinto Qormi irreġistraw tliet punti importanti wara rebħiet kontra PL Balzan (11-9) u Valletta Fossa Boys A (11-5) rispettivament.
