Fil-kumpless Sportiv tal-Kottonera l-Ħadd spikkaw iż-żewġ semifinali mill-kompetizzjoni tat-Tazza Nazzjonali organizzata mill-Assoċjazzjoni Maltija tal-Volleyball. Dawn intrebħu minn Falcons u Paola Executive Security. Fl-ewwel semifinali, Falcons rebħu lil Birkirkara bl-iskor ta’ 3-1. Birkirkara rebħu l-ewwel set 25-20 bil-holders Falcons idawru r-riżultat favur tagħhom meta rebħu t-tliet sets ta’ wara 4-25, 17-25 u 13-25.
Ferm bilanċjata kienet it-tieni semifinali fejn iċ-champions Swieqi Phoenix NIUM ġew eliminati mit-team neo promoss ta’ Paola Executive Security 3-2. Swieqi bdew tajjeb u rebħu l-ewwel set 25 għal 14 u t-tieni wieħed 25 għal 13. Iżda t-team ta’ Raħal Ġdid ma qatax qalbu u sorprendentement dawwar telfa f’rebħa meta rebaħ it-tliet sets ta’ wara 25 għal 21; 25 għal 20 u 15 għal 12.
Dan ifisser li issa l-finali se tintlagħab bejn Paola Executive Security u Falcons.
Ir-riżultati kollha
U19 BKVC Vixens vs Swieqi Phoenix Sugar and Spike 3-0
L-Ewwel Diviżjoni: Mgarr Volley vs Depiro 3-0
U17 Falcons Vs BKVC Lightnings 3-0
Paola Maypole vs BKVC Storms 3-0
Swieqi Phoenix Block ‘N Roll vs Flyers 3-0
U15– BKVC Blazers vs Depiro 0-3
Semi Finali Tazza Nazzjonali
BKVC vs Falcons 1-3
Paola Executive Security vs Swieqi Phoenix 3-2
