Meta tkompla l-Kampjonat Enemed tal-Futsal, University of Malta ACJ Group baqgħu jżommu r-rekord perfett tagħhom ta’ dan l-istaġun meta kisbu l-11-il rebħa konsekuttiva wara li għelbu lil Swieqi United 5-3.
Iċ-champions Luxol irritornaw għar-rebħ wara t-telfa ta’ ġimgħa ilu kontra l-Università ta’ Malta meta ddominaw għal kollox il-konfront kontra Birżebbuġa St Peter’s Futsal meta rebħu 10-0.
Mill-Enemed Challenger League, Ta’ Xbiex Futsal Izola Bank telgħu fl-ewwel post tal-klassifika wara li għelbu lis-Selezzjoni Maltija ta’ taħt id-19-il sena 4-1.
Marsaskala Futsal telgħu fit-tieni post ta’ dan il-Kampjonat meta għelbu lis-Selezzjoni Maltija ta’ taħt it-18-il sena 5-2. Sliema Wanderers Futsal inqalgħu mill-aħħar post tal-klassifika wara li għelbu lil Gżira United Santa Margherita 8-5.
