Colin Schembri
Depiro (jirbħu b’walk over)
Fusion Quest
Għat-tieni darba dan l-istaġun, sfortunatament it-team ta’ Fusion ma ppreżentawx ruħhom għal-logħob biex b’hekk Depiro ħadu walkover u kisbu l-għaxar rebħa tal-kampjonat. Mhux magħruf x’wassal għal dan il-walkover hekk kif fl-aħħar ħarġa tagħhom Fusion kellhom skwadra ta’ 11-il player. L-MBA mistennija tiddiskuti dwar dan fil-ġranet li ġejjin.
Caffè Moak Luxol….71
Hibernians……………..53
(23-9)(19-23)(15-10)(14-11)
Caffè Moak Luxol kisbu it-tmien rebħa fil-kampjonat u temporanjament laħqu lil Starlites b’19 -il punt għalkemm b’partita iżjed. Luxol kellhom wirja tajba mill-Amerikana Tayler Bennett u Josephine Diaby li bejniethom qasmu 49 punt. Hibs offrew reżistenza grazzi wkoll għas-sitt trippli ta’ Jasmine Abela però l-bidu qawwi li kellhom il-vjola kkundizzjona l-kumplament tal-partita. Fil-fatt, Luxol bdew bi 11 -il punt mingħajr risposta fosthom trippla ta’ Bennett flimkien ma’ Anna Fenech Pace, Diaby u Sarah Fenech Pace. L-ewwel punti ta’ Hibs ġew minn Julija Dabic però Luxol għalqu s-sessjoni b’seba’ punti oħra mingħajr risposta nkluż it-tieni trippla ta’ Bennett għal skor ta’ 23-9. Fit-tieni perjodu, Luxol kabbru l-vantaġġ għal 17 -il punt 28-11 wara punti minn Diaby u Bennett. Hawn Hibs kellhom risposta b’run ta’ 15-5 fosthom l-ewwel żewġ trippli ta’ Abela flimkien m’oħrajn minn Iona Agius u Lindsey Whilby. Luxol kellhom aktar trippli minn Bennett u Sarah Sciberras flimkien ma’ tlett baskets ta’ Diaby biex daħlu jistrieħu 42-32 minn fuq.
Il-bidu tat-tielet taqsima kien mill-ġdid f’idejn il-players ta’ Santino Coppa fejn għamlu run ta’ 12-2 b’aktar punti minn Diaby flimkien ma’ Lisa Fenech Pace. Hibs waqqfuhom b’żewġ trippli minn Whilby u Abela però Luxol kienu għadhom 15 -il punt minn fuq fi tmiem is-sessjoni 57-42. Il-bidu tal-aħħar taqsima kien bilanċjat hekk kif Hibs naqqsu d-distakk għal 10 punti wara żewġ trippli minn Abela u oħra ta’ Marie Buhagiar. Dawn però kienu l-aħħar punti tal-Pawlisti hekk kif kienu Luxol li għalqu l-partita bi break ieħor ta’ 8-0 biex ħarġu rebbieħa 71-53.
Caffè Moak Luxol: T. Bennett 29, M. Mercieca 2, L. Fenech Pace 8, H. Galea, N. Vella, E. Abela, S. Fenech Pace 4, J. Diaby 20, V. Baldacchino, S. Sciberras 3, S. Farrugia, A. Fenech Pace 5.
Hibernians: M. Buhagiar 4, E. Farrugia, F.Fabok 2, I. Agius 5, L. Whilby 12, J. Abela 18, K. Calleja, M. Vella 6, J. Dabic 4.
Referees: Bernard Vassallo, Nicky Azzopardi
