‘Punt importanti għall-klassifika u għall-moral’ – Jean Paul Desira (Balzan)

‘Irridu nkomplu nħarsu ’l quddiem’

• Mauro Camoranesi, kowċ Floriana FC

‘Jiddispjaċini għal dan ir-riżultat għax kellna logħba tajba ħafna u ma’ ksibnix il-punti massimi.’ Hekk ikkummenta l-kowċ ta’ Floriana Mauro Camoranesi wara l-logħba kontra Balzan li spiċċat fi draw ta’ 2-2. Il-kowċ Taljan kompla hekk. ‘Konna darbtejn fil-vantaġġ u Balzan kellhom żewġ ċansijiet u ħaduhom it-tnejn li huma. Mertu lilhom fejn dak huwa s-sabiħ tal-futbol. Irridu nkomplu nħarsu ’l quddiem fejn l-istaġun huwa wieħed twil. Il-mira hija li nagħmlu t-tieni round bħalma għamilna l-ewwel wieħed. S’issa ninsabu fit-triq it-tajba fejn ksibna tlett rebħiet u draw.’

‘Punt importanti għall-klassifika u għall-moral’

• Jean Paul Desira, assistent kowċ Balzan

‘Konna nafu li ser naffrontaw tim b’aspirazzjonijiet tar-rebħ tal-kampjonat’. Kliem l-assistent kowċ ta’ Balzan Jean Paul Desira hekk kif it-tim tiegħu kiseb punt importanti minn logħba diffiċli kontra Floriana. Huwa kompla, ‘ Għaddejna minn fażi li ma’ kienetx feliċi ħafna fejn waqqajna ħafna punti. Għaldaqstant minn din il-logħba kien importanti ħafna li niksbu xi ħaġa. Kull punt kien tajjeb kemm għall-klassifika kif ukoll għall-moral minħabba l-logħbiet li ġejjin.’