Il-golfer żagħżugħa Serena Falzon Sant Manduca rebħet il-kampjonat Ewropew tal-Masters fil-kategorija ta’ taħt it-18-il sena li sar fil-korsa ta’ La Manga fi Spanja.
Dan l-avveniment sar fil-ġranet li għaddew fejn Sant Manduca ħadet sehem fi tliet rounds konsekuttivi fejn il-kundizzjonijiet tat-temp xejn ma kienu favorevoli minħabba r-riħ li kien qed jaħkem f’din il-korsa li tinsab viċin il-belt ta’ Murcia.
Minkejja kollox, Falzon Sant Manduca kienet tajba biżżejjed biex tispiċċa b’punteġġ ta’ +3 sabiex fl-54 hole irnexxielha ġġib punti biżżejjed sabiex ittemm qabel il-kompetituri diretti.
Dan l-avveniment kien organizzat mill-World Amateur Golf Ranking u kien ospitat mill-golfer ta’ fama mondjali Robert Rock.
