Fil-Kumpless tal-hockey f’Kordin tkompla l-Kampjonat Nazzjonali fejn Floriana Young Stars kisbu rebħa importanti ta’ 3-2 kontra ċ-champions Qormi Daikin sabiex ikkonsolidaw posthom f’ras il-klassifika tal-Kampjonat Nazzjonali.
Ali Rizwan, Deemer Rapinett u Andrea Curmi skorjaw il-gowls għal Floriana b’Qormi li naqqsu l-iskor għal darba darbtejn permezz ta’ Luke Bajada u Steve Tanti. Umpires tal-partita kienu Luke Busuttil Leaver u David Agius.
KLASSIFIKA: Floriana Young Stars 9 punti , GREE Żurrieq Wolves Hotsticks 5 punti , Qormi Daikin 4 punti , White Hart 0 ebda punt.
F’logħba li ntlagħabet mill-Hockey 7s, GREE Żurrieq Wolves Hotsticks għelbu lil Rabat 3-2. Jayden Cutajar skorja darbtejn filwaqt li David Vella Dingli skorja l-gowl l-ieħor għal Gree Zurrieq Wolves Hotsticks. Il-gowls għal Rabat kienu skorjati minn Shawn Falzon. Umpires kienu Edward Hughes u Glen Bonello.
