Tim Cleasby rebaħ it-Takomo Handicap Challenge Cup li saret fil-ġranet li għaddew fil-korsa tal-golf fil-Marsa.
Tim Cleasby baqa’ jżomm il-konsistenza sal-aħħar filwaqt li rrepeta s-suċċess li kellu s-sena li għaddiet. Ma kinitx kompetizzjoni faċli għal Cleasby li rebaħ din il-kompetizzjoni b’131 punt meta tqis li min iġib l-inqas punteġġ ikun dikjarat rebbieħ.
Fit-tieni post spiċċa Nick Laferla b’132 filwaqt li Ken Micallef temm fit-tielet pożizzjoni punt warajh.
Ken Micallef temm qabel Peter Satariano u Nick Urpani bi stroke wieħed biss.
L-uffiċjal Toni Westerholm ippreżenta l-premjijiet lir-rebbieħa.
