Illum fil-5.15 pm fuq Net Television, jixxandar it-18-il programm SPORT EXTRA bi produzzjoni u preżentazzjoni ta’ Charles Camenzuli.
Fl-ewwel parti enfażi dwar l-atletika u dak li wettqu ż-żewġ atleti żgħażagħ, Isaac Bonnici li fis-600 metru kiser ir-rekord nazzjonali fil-kategoriji ta’ Taħt l-20 sena u Taħt it-23 sena u l-atleta żgħażugħa tal-ħammer-throw Bianca Shomakeli, li kisret ir-rekord nazzjonali ta’ Taħt it-18 il-sena.
Wara r-rebħ tal-midalja tal-bronż mill-lottatur Gary Giordmaina fil-kategorija 61 kg fl-English Wrestling Championships, it-tema principali fit-tieni parti tal-programm se tkun il-lotta flimkien ma’ Jesmond Giormaina bħala kowc nazzjonali u Abraham Vassallo, referee internazzjonali tal-Federazzjoni Maltija Lotta.
Matul il-programm servizzi dwar dak li seħħ matul il-Ġimgħa ta’ Sport u l-aħbarijiet ewlenin f’diversi dixxiplini.
Sport Extra għandu preżentazzjoni ta’ Charles Camenzuli filwaqt li l-assistenta tal-produzzjoni hija għal darb’oħra Samira Cachia Spiteri u filmati minn Keith Mizzi.
