Rowen Camilleri
SLIEMA W………0
ĦAMRUN S……..0
Sliema W.: R. Al Tumi, J. Borg, J. Minala, V. Plut (D. Kondrakov 80’), S. Gomes (E. Agius 83’), M. Beerman, J. Arthur, G. Alcino, D. Kouao, H. Murilo, G. Acheampong
Ħamrun S: H. Bonello, S. Borg, L. Montebello, R. Prsa, E. Freitas U. Djuranovic, B. Ederson (J. Mbong 70’), J. Corbalan (Y. Nenov 83’), E. Marcelina, R. Camenzuli, J. Robert (S. Paintsil 70’)
Imwissija: J. Minala 28’ (S), B. Ederson 45+2’, E. Marcelina 67’ (Ħ)
Tkeċċa: J. Minala 64’ (S)
Referee: Ishmael Barbara
Assistenti Referees: Duncan Spencer u Philip Farrugia
BOV Plejer tal-Logħba: Henrique Murillo (Sliema Wanderers)
In-Nazzjon Plejer tal-logħba: Bruno Ederson (Ħamrun Spartans)
F’logħba li kif kien previst kienet waħda tattika għall-aħħar, Sliema Wanderers u Ħamrun Spartans spiċċaw fi draw ta’ 0-0. Ta’ min jgħid li s-Slimiżi lagħbu madwar nofs siegħa bi plejer inqas meta fl-64 minuta tkeċċa għalihom Joseph Minala wara li ġie mogħti t-tieni karta safra fil-partita.
L-ewwel azzjoni denja ta’ nota waslet minn Ħamrun wara 13-il minuta meta x-xutt mill-viċin ta’ Urod Djuranovic kien imdawwar f’korner minn Al Tumi.
Bil-logħba kif kien mistenni tkun waħda tattika għall-aħħar l-azzjonijiet lejn il-lasti kienu kważi xejn biż-żewġ timijiet jidħlu jistrieħu fi draw ta’ mingħajr gowls.
Fid-59 minuta periklu taħt il-lasta ta’ Siema meta Djuranovic għadda fil-kaxxa ż-żgħira lejn Roko Prsa iżda l-Kroat ma’ laqatx tajjeb minn taħt il-lasta bil-ballun ikun imtajjar mid-difiża.
Ħamrun jibqgħu jinsistu u fit-63 minuta xutt minn barra tal-aqwa skorer tal-Kampjonat Luke Montebello jkun milqugħ f’żewġ tentattivi minn Al Tumi.
Minuta wara Sliema spiċċaw jilagħbu b’10 min-nies meta Joseph Minala dabbar it-tieni karta safra wara foul fuq Jonny Robert.
Fid-90 minuta Ħamrun laqtu l-lasta meta xutt-mid-distanza ta’ Ryan Camenzuli jistampa mal-wieqfa.
Minkejja li bi plejer iżjed, Ħamrun ma rnexxilhomx jiskorjaw hekk kif Sliema baqgħu organizzati u għalqu l-ispazji kollha biex ħadu punt importanti minn dan il-konfront.
