Rowen Camilleri
VALLETTA………………..0
MARSAXLOKK………….2
Valletta: A. Guarnone, J. Bolanos, F. Barrientos, S. Dimech (J. Azzopardi 62’), G. Vieira (S. Ferraris 62’), B. Paiber, M. Jezdimirovic, V. Filho, N. Micallef, J. Benites, D. Cardoso
Marsaxlokk: M. Drobnjak, V. Soares, N. Muscat, N. Portelli, Y. Messias (D. Dall’Oca 86’), D. Bonnici, J. Walker, N Raden, R. Scicluna, J. Gomes (J. Ghio 78’), A. Obonogwu (S. Akinbule 70’)
Imwissija: N. Muscat 14’, J. Walker 49’ (M), B. Paiber 35’, V. Filho 83’ (V)
Skorjaw: Y. Messias 9’, N. Portelli 22’ (M)
Referee: Fyodor Zammit
Assistenti Referees: Duncan Sultana u Vasil Vasilev
BOV Plejer tal-Logħba: Nevin Portelli (Marsaxlokk)
In-Nazzjon Plejer tal-logħba: Yuri Messias (Marsaxlokk)
Fl-ewwel logħba minn tnejn fl-Istadium Nazzjonali, Marsaxlokk għelbu lil Valletta bl-iskor ta’ 2-0, biż-żewġ gowls Xlukkajri jaslu fl-ewwel taqsima. B’din it-tielet telfa konsekuttiva jkomplu jikbru l-problemi għall-Beltin, li meta issa fadal tmien logħbiet għal tmiem il-kampjonat, huma jinsabu t-tilet minn l-aħħar u għalhekk fiż-żona relegazzjoni.
Marsaxlokk marru minn fuq fid-9 minuta meta ħarba mal-linja ta’ Nevin Portelli li jitfa’ kross preċiż fuq Yuri Messias li b’daqqa ta’ ras b’saħħitha għeleb għal kollox lil Guarnone.
Azzjoni tajba għal Valletta fis-16-il minuta meta Benites daħal b’veloċità fil-kaxxa avversarja u tefa’ kross insidjuż lejn Cardoso, iżda d-difiża kienet fil-ħin u tajjret il-periklu.
Fit-22 minuta Marsaxlokk skorjaw it-tieni gowl meta l-ewwel protestaw għal foul f’tarf il-kaxxa fuq Obonogwu, bil-logħob jibqa’ għaddej u l-ballun jieħdu Nevin Portelli li b’xutt mill-isbaħ tefa’ fir-rokna tax-xibka għat-tieni gowl Xlukkajr.
Valletta maru viċin fl-44 minuta meta Brandon Paiber għadda lejn Shaun Dimech li b’xutt mill-ewwel laqat il-wieqfa bil-ballun jiġi għand Cardoso iżda x-xutt tiegħu kien imtajjar mid-difiża Xlukkajra.
B’din l-azzjoni waslet is-suffara ta’ tmiem l-ewwel taqsima, b’Marsaxlokk jidħlu jistrieħu b’żewġ gowls vantaġġ.
L-ewwel azzjoni fit-tieni waslet minn Valletta fit-58 minuta meta wara azzjoni personali Diego Cardoso prova xutt fil-baxx li għadda ċentimentri barra mil-lasta ta’ Drobnjak.
Minn wara din l-azzjoni ma rajna xejn perikoluż miż-żewġ naħat b’Marsaxlokk jiddefendu tajjeb ir-riżultat filwaqt li Valletta ftit setgħu jagħmlu meta dehru demoralizzati bis-sitwazzjoni preżenti.
