Bejn id-9 u l-10 ta’ Marzu, il-Malta Pickleball Association se torganizza l-ewwel tournament internazzjonali tal-Pickleball f’pajjiżna.
Malta se tkun rappreżentata b’tim ta’ ‘l fuq minn 19-il sena u ieħor ta’ ‘l fuq minn 50 sena b’kull tim magħmul minn tmien plejers.
It-tim ta’ ‘l fuq minn 19-il sena huwa magħmul minn Steffi Pace Girard, Roberta Pace Girard, Maja Glumac, Kristine Micallef Ampong, Maurizio Cappello, Mark Anastasi, Malcolm Falzon u Joseph Allis.
It-tim ta’ ‘l fuq minn 50 sena huwa magħmul minn Christine Muscat, Nathalie Bonello, Tania Cluett, Rachelle Spiteri, Guido Pace, Ray Grixti, Victor Sciberras, Karl Falzon.
Dan it-tournament tal-Pickleball, sport li kien introdott hawn Malta minn Steffi Pace Girard se jsir fil-gym tal-Kulleġġ De La Salle fil-Kottonera.
