Sport Sport Ieħor

Darts: Tkompli t-taqtigħa bejn Ħamrun Bayern A u Floriana Ajax

Meta tkompla l-Kampjonat tal-ewwel divizjoni tal-Malta Darts Association, Tim A Ħamrun Bayern u Floriana Ajax Premier Cars żammew l-ewwel post tal-klassifika wara rebħiet mhux daqstant faċli kontra PO’s Bar u Birżebbuġa Lions rispettivament.

Tim A Ħamrun Bayern dawru telfa f’rebħa sabiex għelbu lil PO’s Bar 6-2 filwaqt li l-Floriana Ajax xejn ma sabuha faċli kontra Birżebbuġa Lions minkejja li xorta rebħu 5-3.

F’logħba ferm bilanċjata, Tim B Ħamrun Bayern u Tim A Sliema Lounge temmew fi draw ta’ 4-4.

B’hekk fil-klassifika tal-Ewwel Diviżjoni: Tim A Ħamrun Bayern u Tim A Floriana Ajax Premier Cars 33 kull wieħed , Tim A Żejtun Laċċi 29 punt , Birżebbuġa Lions 27 punt , Tim A Sliema Lounge 12 il-punt , Floriana Ajax MCP 10 punti , Tim B Ħamrun Bayern 6 punti u PO’s Bar 3 tlett punti.