”Tattikament konna tajjeb ħafna, kemm meta konna ħdax bi ħdax kif ukoll meta ġejna bi plejer inqas” – Paul Zammit (Sliema Wanderers)

‘Tattikament konna tajjeb ħafna’

• Paul Zammit, kowċ Sliema W.

‘Partita li kien fiha ħafna pożittiv għalina mhux għax ġejna draw biss.’ Dawn kienu l-ewwel kummenti li lissen il-kowċ ta’ Sliema Wanderers Paul Zammit wara d-draw ta’ mingħajr gowls kontra l-leaders Ħamrun Spartans. Zammit kompla. ‘Tattikament konna tajjeb ħafna kemm meta konna ħdax bi ħdax kif ukoll meta ġejna bi plejer inqas. Sinċerament m’għandix kliem sabiex infaħħar lill-plejers tiegħi. Li ssib quddiemek lil tim b’saħħtu bħal Ħamrun u għal kwart mill-logħba trid tilgħab bi plejer inqas mhux faċli imma konna dixxiplinati ħafna u ninsabu kuntenti kemm bil-punt u wisq aktar bil-wirja.’

‘Id-destin jinsab f’idejna’

• Luciano Zauri, kowċ Ħamrun Spartans

‘Din il-partita setgħet tmur naħa jew oħra b’xi episodju biss peress li t-timijiet kienu viċin xulxin ħafna’. Kliem il-kowċ ta’ Ħamrun Spartans Luciano Zauri fi tmiem il-logħba kontra Sliema Wanderers. Il-kowċ tal-Ispartans kellu aktar xi jgħid. ‘Ir-riħ ikkundizjona ħafna l-partita imma nafu li Sliema huma tim tajjeb ħafna. Meta konna b’raġel aktar il-partita rriżultat f’waħda aktar diffiċli għaliex Sliema ingħalqu aktar fuq wara. Nafu wkoll li d-destin jinsab f’idejna u konxji wkoll li Floriana ser jibqgħu hemm sal-aħħar.’

LOGĦOB LI JMISS

Is-Sibt 2 ta’ Marzu, 2024

Stadium Nazzjonali

2.00pm Ħamrun S. vs Valletta 

4.15pm Sta Lucia vs Sirens

Tony Bezzina Stadium

2.00pm Hibernians vs Naxxar L. 

4.15pm B’Kara vs Balzan

Il-Ħadd 3 ta’ Marzu, 2024

Centenary Stadium

11.00am M’Xlokk vs Mosta

Tony Bezzina Stadium

2.00pm Gżira Utd. vs Sliema W.

4.15pm Floriana vs Gudja Utd.