Il-President ta’ Franza, Emmanuel Macron, qal li mhux jellimina l-possibiltà li jibgħat truppi fl-Ukrajna, minkejja li ma ntlaħaqx konsensus…. hekk kif skont hu huwa essenzjali għas-sigurta tal-Ewropa li l-forzi Russi fl-Ukrajna jkunu eleminati.
Waqt konferenza tal-aħbarijiet li għaliha attendew l-kanċilier Ġermaniz Olaf Scholz u s-Segretarju tal-Affarijiet Barranin tar-Renju Unit David Cameron, Macron qal li l-koalizzjoni ġdida se tkun qed tiprovdi lil Ukrajna b’missili u bombi long range u medium range.
Dan wara li l-qawwiet Ukreni tilfu villaġġ ieħor fir-reġjun ta’ Donetsk, ftit tal-ġimgħat biss wara li tilfu l-belt ta’ Avdiivka.
Intant, il-Kremlin b’risposta għal dak li intqal minn Macron qal illi jekk membri ta’ NATO se jibgħatu t-truppi fl-Ukrajna dan ser jirriżulta f’kunflitt kbir.
Fl-isfond ta’ dan kollu il-Korea ta’ Isfel akkużaw lill-Korea ta’ Fuq li dawn bagħtu 6,700 kontejner b’miljuni ta’ munizzjonijiet lir-Russi.
Ir-Russja u l-Korea ta’ Fuq tejbu ħafna r-relazzjonijiet ta’ bejniethom minn mindu r-Russja wettqet l-invazzjoni fuq l-Ukrajna.
