L-iżviluppi kollha marbuta mal-Inkjesta Pubblika dwar il-każ traġiku ta’ Jean Paul Sofia se jkunu diskussi illum fuq Net TV u Net FM permezz ta’ programm speċjali li jibqa fl-4pm.
Il-programm se jkun imwassal minn numru ta’ preżentaturi, b’mistiedna fl-istudios li se janalizzaw il-konklużjonijiet u r-rakkomandazzjonijiet ta’ din l-Inkjesta Pubblika. Apparti minn hekk, se jkollna wkoll kollegamenti mill-Parlament fejn huwa mistenni li dan is-suġġett jiddomina l-aġenda tal-ġurnata.
NETLIVE ikompli anke wara l-aħbarijiet tas-7:30pm, sal-ħin tal-10pm.
Tul il-jum se jkollna wkoll diversi kollegamenti mal-ġurnalisti tagħna minn barra l-istudios ta’ Net Media, bl-aħħar aġġornamenti hekk kif ikunu deħlin l-aħbarijiet marbuta ma’ din l-Inkjesta dwar il-mewta traġika ta’ Jean Paul Sofia.
Il-programm NETLIVE se jixxandar b’mod simultanju kemm fuq Net TV u anke fuq l-istazzjon tar-radju Net FM, b’aġġornamenti kontinwi fuq dan is-sit u fuq il-pjattaformi soċjali tagħna.
