Fil-ġranet li għaddew ħames plejers tal-Malta Blackball Federation ħadu sehem fil-kampjonati tad-dinja tal-IPA li saru fi Newcastle.
Filfatt Johan Attard, Wayne Pace, Clint Grima, Jesmond Schembri u Lydon Debono kienu fl-azzjoni f’kompetizzjonijiet individwali kif ukoll fid-doubles.
Fil-kompetizzjoni individwali, Johan Attard kien l-iktar wieħed li avvanza meta elimina lil Chris Keogh (3-0), Robert Telfer (3-0) u Paul Harkness 3-0 . Attard kien eliminat minn Chris Brown 3-1.
Fil-kompetizzjoni tad-doubles, il-koppja Johan Attard u Lydon Debono irnexxielhom jaslu sat-tielet round wara li eliminaw lil Terrington/Spratt 7-0 u Rimington/Davis 7-6 sakemm ġew eliminati minn Davy/Fairway 7-1.
F’dan it-tournament prestiġġjuż ħadu sehem numru ta’ plejers professjonali.
