Manchester United u Liverpool se jkunu qed jiltaqgħu fil-kwarti finali tal-FA Cup wara li kisbu rebħiet fuq Nottingham Forest u Southampton rispettivament. United kienu sejrin għall-ħin barrani fil-City Ground qabel ma Casemiro kiseb rebħa prezzjuża għat-tim ta’ Erik ten Hag fid-89 minuta.
Free kick ta’ Bruno Fernandes b’daqqa ta’ ras mill-Brażiljan tispiċċa fix-xibka bil-gowl eventwalment mogħti wara verifika twila tal-VAR, li qies li l-offside Raphael Varane ma kienx interferixxa mal-logħob. Kien l-ewwel gowl ta’ Casemiro minn Settembru u għen lil United jirritornaw lura mit-telfa ta’ nhar is-Sibt kontra Fulham biex għaddew ma’ l-aħħar tmienja bil-plza tlaqqagħhom home kontra r-rivali Liverpool.
Liverpool ta’ Jurgen Klopp reġgħu approfittaw mill-forma eċċellenti tagħhom bi trijonf ta’ 3-0 fuq Southampton. Liverpool, friski mir-rebħa tal-finali tat-Tazza Carabao kontra Chelsea, reġgħu ntroduċew numru ta’ gradwati tal-akkademja fil-formazzjoni inizjali tagħhom u Lewis Koumas, iben l-eks internazzjonali ta’ Wales Jason, fetaħ l-iskor fl-44 minuta.
Kien id-debutt sħiħ ta’ Koumas u hu mmarkah b’gowl wara li ħa pass mingħand sieħbu ż-żagħżugħ Bobby Clark qabel ma l-isforz baxx tiegħu ġie mxellef ‘il barra minn Jack Stephens. Southampton kienu ħlew numru ta’ okkażjonijiet fi ftuħ promettenti qabel dak il-punt. Mingħajr Mohamad Salah jew Darwin Nunez, Jayden Danns daħal fit-team bħala midfielder avvanzat u skorja żewġ gowls mill-isbaħ.
Chelsea kienu ddisprati għal rispons wara d-diżappunt tagħhom ta’ Wembley u l-għażla tat-tim ta’ Pochettino ħolqot xi ftit kontroversja fejn’Cole Palmer u Gallagher spiċċaw fuq il-bank, iżda dan tal-aħħar ta kontribut biex ipoġġi lit-team tiegħu fl-aħħar tmienja b’goal fl-aħħar ħinijiet.
Il-lejla bdiet bħala waħda diżastruża għall-ospiti meta Moises Caicedo tilef il-pussess ġewwa ż-żona tiegħu stess wara pass riskjuż ta’ Axel Disasi u l-attakkant żagħżugħ Mateo Joseph tefa’ lil hinn minn Robert Sanchez wara tmien minuti logħob fi Stamford Bridge.
It-team ta’ Pochettino ma qagħdux lura għal żmien twil b’Caicedo jeħles lil Nicolas Jackson, li spara fir-rokna t’isfel għall-10 goal tiegħu tal-istaġun wara kwarta logħob. Mykhailo Mudryk temm l-ewwel taqsima b’finitura intelliġenti wara pass ta’ Raheem Sterling fis-37 minuta iżda Leeds ġabu d-draw fil-bidu tat-tieni taqsima.
Jaidon Anthony qatgħa ġewwa u l-cross għoli tiegħu kien konkluż bir-ras minn Joseph ftit qabel is-siegħa logħob. Wara kien hemm ċansijiet mitlufa miż-żewġ naħat qabel ma Chelsea bbukkjaw posthom fir-round li jmiss fejn se jilqgħu lil Leicester.
Wolves ukoll għamluha għall kwarti tal-finali b’rebħa ta’ 1-0 fuq Brighton. Mario Lemina ikkonkluda ġewwa wara biss żewġ minuti wara li Jason Steele xeħet cross ta’ Jean-Ricner Bellegarde biex ibbukkja lit-tim ta’ Gary O’Neil parità tal-kwarti tal-finali f’darhom kontra Coventry.
Il-logħbiet tal-kwarti tal-finali huma: Manchester City vs Newcastle – Manchester United vs Liverpool – Chelsea vs Leicester City – Wolverhampton Wanderers vs Coventry City.
