Skond diversi rapporti fil-media internazzjonali, il-midfielder Franċiż Paul Pogba ġie sospiż għal 4 snin wara li f’Awwissu li għadda nstabulu livelli għolja ta’ testosterone, b’dawn it-testijiet ikunu kkonfermati.
Pogba rritorna ma’ Juventus fl-istaġun 2022/23 iżda bosta injuries tappnulu r-ritorn tiegħu fil-futbol Taljan.
Il-plejer ta’ Juventus se jagħlaq 31 sena fil-15 ta’ Marzu u l-karriera tiegħu issa tinsab fil-periklu serju fejn Juventus diġa kienu ħabbru li r-relazzjoni bejn iż-żewġ partijiet kienet intemmet.
Il-prosekuzzjoni qatt ma emmnet il-verżjoni tad-difiża, dik li Pogba ħa dawn is-sustanzi inċidentalment.
Pogba ġie sospiż fit-12 ta’ Settembru bl-aħħar dehra rari tiegħu fis-Serie A tkun fit-3 ta’ Settembru f’rebħa ta’ 2-0 kontra Empoli.
