Mietu madwar 50, b’għexieren oħra jindarbu, b’kaġun ta’ nirien li ħakmu bini għoli f’Dhaka, il-kapitali ta’ Bangladesh.
Ir-rapporti qalu li n-nirien qabdu f’ristorant li jifforma parti mill-bini – twil mas-seba’ sulari – u bil-fjammi ma jdumux ma jinfirxu mal-bini kollu.
L-iskwadri tas-salvataġġ irnexxielhom isalvcaw mat-80 ruħ, b’ħafna residenti tal-bini jispiċċaw l-isptar biex ikunu trattati għall-ħruq u d-dħaħen li belgħu. In-nirien damu għal sagħtejn sakemm kienu kontrollati u bħalissa għaddejja investigazzjoni dwar x’wassal għat-traġedja – li tidher kienet dovuta għall-ittraskurar tal-kriterji tas-sigurtà mis-sidien tal-bini.
