Meta tkomplew il-Kampjonat Nazzjonali tal-Malta Table Tennis Association , HITT Academy Sports Experience sofrew l-ewwel telfa tal-istaġun fil-grupp tal-promozzjoni tal-kampjonat tat-tielet diviżjoni meta sfaw megħluba 5-1 minn Alpha Sensus.
Alpha Sensus jinsabu biss żewġ punti bogħod mil-leaders filwaqt li bl-istess numru ta’ punti hemm ukoll Alpha Dynatec li għelbu 6-0 lil Top Spin Table Tennis Academy Valletta Pay Munro.
Kindred għelbu lil HITT Academy Knights 4-2.
Fil-grupp tar-relegazzjoni, hemm tliet timijiet fl-ewwel post meta Alpha Codexx, Top Spin TT Academy Skelton u HITT Academy Masters rebħu l-logħbiet rispettivi tagħhom kontra HITT Academy 5Q (6-0), MITTC Tenergy (4-3) u Top Spin Table Tennis Academy Omagaed (5-1).
